Nehimi 12:27 - Kafa Linguistics Project

²⁷ Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Nehimi 12:27 ပူးပေါင်းရင်းမြစ်များ

2 Saameeli 6:12

Arooba ebi Yeerichi taabootee naboona Doono Yeeri Obeed Edoominaa bi kechi asheenaꞌonon, biich beeto bullinoo bi diiroon taatoo Daawiti waayehe. Ebich Daawiti hammiꞌi, Yeerichi taabootoon Obeed Edoomi kexoochee Daawiti Katemooch oogeti emiroona deebiye.

1 Taateenaꞌo 8:63

Solomooniyoo ikkittinee deejjoyich hiyaa gutte hume wuronaa balli hiye hume bagoonon Doono Yeerich deejjiye. Ebiyoommon taatoonaa Israꞌeeleenaꞌo bullina Doono Yeerichi yaafee kexon yaafiyeete.

1 Kiinoo 13:8

Daawitinaa Israꞌeeleenaꞌo bullina boonoshi giidoon qoophaanoon, Yeerin oogiyoyich, giishi ximboon, ooge ximboon, kamboonaa qaaxilloonon yexxii kaachiibee, tiroon (waaringoon) huggiibee shoddee beeheete.

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

1 Kiinoo 15:16

Daawitiyoo shoddee qiicoona, ebiyoo giishi ximboona, ooge ximboonaa qaaxilloona, emiroona qaaroon oogichiree shoddemmi, boonoshi maneenaꞌon boonoshi ukkiriyemmoyich Leweenaꞌochi ukkireenaꞌoyich gettiye.

1 Kiinoo 15:28

Ebiyoommi gommona Israꞌeeleenaꞌo bulli emirii ililiibee, tiroonaa shametoonon huggiibee, qaaxilloon, giishi ximboonaa ooge ximboonon yexxii kaachiibee, Doono Yeerichi taabootoon Yerusaalem deebiyeete.

1 Kiinoo 15:4

Haroonichi yareenaꞌonaa Leweenaꞌonon ikkooch kiciye.

1 Kiinoo 16:42

Hemaaninaa Yedutuunina shumbureenaꞌochi, qaaxilleenaꞌonaa galletee shoddee beegaata kaacheebeeti shoddee qiiceenaꞌonochi toommooch ukkireheete. Yedutuuni bushiisheenaꞌoo kellechinaꞌo tuneheete.

1 Kiinoo 16:5

Boonoshi wulloo Asaafine; biyee deshoo Zakaariyaasi, Yeꞌeeli, Shemiramooti, Yehiꞌeeli, Matitiyi, Eliyaabi, Beenayi, Obeed Edoominaa Yeꞌeelina ukkireheete. Boonoshiyoo ooge ximboonaa giishi ximboona shoddee beetaa, Asaafi qaaxilloon yexxii beehe.

1 Kiinoo 23:5

awudda humoon kellechinaꞌo, wotta awudda humoon aroyicha iꞌi bi qanniiti shoddee qiicoona Doono Yeerin galletechinaꞌo tuniihe.

1 Kiinoo 26:31

Kebirooneenaꞌoyichoo boonoshi yareenaꞌochi shiijjeree mazgaboommona Yeriyi boonoshi ukkiroone. Daawiti bi taateti aabbinnee natooch bi mazgaboochee qaawiꞌi, Gilaadee showooch Yazeer, Kebirooneenaꞌo daggoochee beelle asheenaꞌon danehe.

2 Kiinoo 29:25

Taatoo Hiziqiyaasi, Daawitichi qociyoommon, yaaꞌechi Gaadinaa keemechi Naataaninochi qociyoommonoo, Leweenaꞌoyich qaaxilloon, ooge ximboonaa giishi ximboonon yechiiꞌi, Doono Yeerichi yaafee kexooch neechiye. Ebiyoo keemechinaꞌona Doono Yeer waanee icheti getoone.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

2 Kiinoo 5:13

Tiroon huggii beetinaꞌonaa shoddechinaꞌona Doono Yeerin galletee oogiibee: “Deꞌo bi tunetoyich, bulli yemeenoon shoodecho bi tunetoyich, Doono Yeerin galletebote” iibee ikke kashoona qaaroon oogichiꞌi, tiroona, qaaxilloonaa shoddee qiico bullina Doono Yeerin galleteheete. Boonoshi galletemmona, qubo Doono Yeerichi yaafee kexooch ceenniye.

2 Kiinoo 7:6

Qeesheenaꞌo boonoshi xaaꞌooch neexeheete. Leweenaꞌoo wotta, wonna Daawiti shoddoona Doono Yeerin galletoyich bi shuuneti shoddee qiicoon yexxii kaachiibee, “Bulli yemeenoon shoodechone; Doono Yeerin galletebote” iibee shoddoona Doono Yeerin galletee beeheete. Qeesheenaꞌo boonoshi ciinoochaa tiroon huggii beetaa, asheenaꞌo bulla neexee beeheete.

Iziri 6:16

Aroochee Israꞌeeleenaꞌo, qeesheenaꞌo, Leweenaꞌonaa kecoochee wotteti asheenaꞌona Yeerichi kechi diiree baaroon emiroona baariyeete.

Nehimi 11:20

Echeti Israꞌeeleenaꞌo, qeesheenaꞌonaa Leweenaꞌona Yihudee showooch beeti katemeenaꞌo bulliich, boonoshi woraashiti showi showooch koteheete;

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Nehimi 8:17

Kecoochee wotteti asheenaꞌo bulli bashoon bashii koteheete. Nuuni bushoo Yaasi yemeenoochee tiijjiꞌi, aroobee aabooch beddaahaa, Israꞌeeleenaꞌo baaroon eechiꞌi baarii ariyaaneenaꞌone; oogichii emiriyeete.

Shoddo 149:3

Duuttoona bi shigoon galletebeete; kamboonaa ooge ximboona biin galletebeete.

Shoddo 30:1

Doono Yeero, taan ne tiijjitoyich, ta etteenaꞌo emiremmoyich tuniyoo ne qajjetoyich, neen oogichaa galletehoye.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 20:5

“Aroochee ginee iraasheenaꞌo asheenaꞌoyich ishichibeete: ‘Andire kexon haggiꞌi diiriyaani asho beete? Bi beegaata, bi kexooch wottebe. Diqqich ginoochaa bi qitigaata, bare asho bi kexon diiriyemmone.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,