Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehimi 10:37 - Kafa Linguistics Project

37 “Daakkiree wotta buddinoochee, no maayi wojjoochee, aafo manjeebeeti mixo bulli aafoochee, woyinee uyoonaa zayitoonoochee cilloon no Nuggishoo kexooch, qeesheenaꞌo waan deebemmo noone. Leweenaꞌo no katemoo bulliich gocheebeeti maayoochee asraatoon deqqii beetinaꞌo boonoshi tunetoyich, no maayoochee asraatoon boonoshi waan deebemmo noone.

အခန်းကိုကြည့်ပါ။ ကော်ပီ




Nehimi 10:37
23 ပူးပေါင်းရင်းမြစ်များ  

Yihudee showeexi katemeenaꞌooch beeti Israꞌeeleenaꞌonaa Yihudee asheenaꞌona miimonaa bagoonoochee asraatoon, wotta boonoshi Nuggishoo Doono Yeerich boonoshi kichiti mooyon deebiꞌi gutiyeete.


Wotta Leweenaꞌoyich boonoshi qoodoo icheyoo bi qajjitoyich, maddeebeeti Leweenaꞌonaa shoddechinaꞌona boonoshi goyi goyooch boonoshi wottoon waayeho.


Arooba Yihudee asheenaꞌo bulli, maayoochee, woyinoonaa zayitoonoochee asraatoon qiicee kexinaꞌooch deebiyeete.


Biyoo, ebiyee aaf Leweenaꞌoyich, shoddechinaꞌonaa kellechinaꞌonoyich, sheeroo gettii beetoommon, icheti maayee buuro, ixaano, yaafee kechi qiiceenaꞌo, asraato icheebeeti maayo, woyinoonaa zayitoona, wotta qeesheenaꞌoyich icheti wojjoo koteebeeti ooge gatoon qanniiꞌi, Xobbiyich immitone.


Gateenaꞌonoo boonoshi xalliyemmoyich getteho; yaafee kechi qiiceenaꞌon, maayi buuroonaa ixaanoonon wochaa kexooch giijjiyo.


maacwaqqo tuneti anaamo bullin Doono Yeerich immemmo neene; ebiyoommon ne gijjeenaꞌo daggoochee shiichii shiijjeti anaamo bulli Doono Yeerichon tunemmone.


“Qaabbii shiijjeti anaamo bullin taach yaafibe. Israꞌeeleenaꞌo daggooch maacwaqqo tuneti anaamo, asho tuneba gijjoo, taachone” iye.


Ittoshi kexi kexoochee awudde kobbaye qacini buddinoochee shittoo gedaa kachiti gutte xekee koshon kaama tiijjaa buuroon tuniitaa Doono Yeeri taach bi giddemmoyich, maayi cilloon deebote.


Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.


“Asho Yeerin gaajjiibeetone? Tunebaani ittoshi taan gaajjito ittoshine. “Ittoshiyoo ‘Aabichireeshiye neen no gaajjemmo?’ ito ittoshine. “Taan ittoshi gaajjito, asraatoonaa wojjoonon taach giddiyee qayonane.


Taach boonoshi giddiibeeto, asho tuneba gijjoo, maacwaqqo tuneto bulli neecho tunebe. Tunebaani gutenee bushoonaa xalloo tuneyaanee gijjoochee shiichii shiijjetona gijjoona bi biisheyemmoyich tuniyemmo neene.


Doono Yeerich deejjeeto bi tuno bekkemmoyich kaama tiijjaa giddeebeeti gaggimatoonaa qanne baatee galloona ittoshich bi tunoommon, eboshichi meeno ittoshich tunemmone.


Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.


Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.


Muusi Israꞌeeleenaꞌoyich ishichiye: “Ne gochaa danaabeeti maayoochee asraatoon nati natona kichibe.


Ne maayoochee, woyinee uyoonaa zayitoonoochee maayi cilloon, wotta ne bagoochee shiichiꞌi cakketi eexon biich immemmo neene.


ne Nuggishoo Doono Yeeri neech immiibeeti showoochee ne macimmi maayoochee cilloon kichi daami, mokkooch gede. Ebi aroon ne Nuggishoo Doono Yeeri biich ittoshi goyinnemmoyich bi kaaccemmi xaaꞌooch yeshi hambe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ