Nehimi 10:30 - Kafa Linguistics Project

³⁰ “No guudoona beeti aageteenaꞌoyich no maache bushiishoon imaachone; wotta boonoshi maache bushiisheenaꞌon no anaami bushiishoyich shaakkiyaachone.

Nehimi 10:30 ပူးပေါင်းရင်းမြစ်များ

2 Taateenaꞌo 23:25

Muusichi Sheerooch kooreeton ceechoona Yosiyaasichoommon ceeni bi mulloona, ceeni bi kashoonaa ceeni bi hakkoona Doono Yeerich maddeti taatoo, biyee aafoo tuneba biyee gubb, aalloone.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

2 Kiinoo 34:31

Taatoo bi beetooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye.

Nehimi 10:1

Ebi aree toommooch dukketinaꞌoo: Hakaliyi bushoo, iraashoo Nehimi, Sedeqiyaasi,

Nehimi 13:23

Wotta aroobee aabooch Ashidoodee showoochee, Amoonee showoonaa Moꞌabee showoonoochee mecheen shaaggiti Ayihudeenaꞌon beeggeho.

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Nehimi 13:30

Ebina dallaawe mooyo bulliichee asheenaꞌon xalliiho. Aroochee qeesheenaꞌonaa Leweenaꞌonon boonoshi shuuni shuunee xaaꞌooch neechiyo;

Nehimi 5:12

Boonoshiyoo, “Wochemmo noone; boonoshi waanee amoonolla echeyaachemmo noone; ne gettetoommon tuniyemmo noone” iyeete. Qeesheenaꞌon ceeggaꞌa, boonoshi aafoochaa ebi boonoshi gettiton boonoshi tuniyemmoyich, wogiiho.

Shoddo 119:106

Tate ne dayinnetoon quyoyich, manjiyaa wogehoye.

Keyo 34:16

Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.

Yibbaatoo 7:3

Boonoshi anaami bushiishoyich ne maache bushiisheenaꞌon shaakkiyoona woyee boonoshi maache bushiisheenaꞌon ne anaami bushiishoyich shaakkiyoona boonoshina tookki naacheyaahine.