Nehimi 1:6 - Kafa Linguistics Project

⁶ ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Nehimi 1:6 ပူးပေါင်းရင်းမြစ်များ

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:47

kecceꞌi boonoshi beeti showooch beechii, ‘Axaaxoon shuuneto noone; xuqqeto noone; gondeto noone’ iibee boonoshi axaaxoon aannii, gondoochee wotteꞌi, neen boonoshi qollegaata,

2 Kiinoo 28:10

Andoo ittoshi, Yihudee showoonaa Yerusaaleminooch beeti anaaminaꞌonaa maacheenaꞌonon guuno tunii hajjiya gabiibeeto ittoshine; ebin tuniyoona, ittoshiyoo wotta ittoshi Nuggishoo Doono Yeerin xuqqii toone ittoshi beeto?

2 Kiinoo 29:6

No qaabbechinaꞌo gibeneyoo qajjitinaꞌone; Doono Yeeri aafoochaa gonde mooyon tuniitinaꞌone; biin qajjitinaꞌone; boonoshi aafoon Doono Yeerichi qemi xaaꞌoochee badd wochitinaꞌone; gubboonoo bi waan wochitinaꞌone.

2 Kiinoo 6:40

“Andoo ta Nuggishoo Yeero, no waan ne ciinnemmoyich, hini xaaꞌoochaa corooteebeeti corootoonoo elle ne waayemmoyich neen qollehoye.

Iziri 10:1

Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Shoddo 102:17

Duꞌetinaꞌochi cookoon waayemmone; boonoshi qolloonoo hoxeyaachemmone.

Shoddo 106:6

No qaabbechinaꞌochoommon axaaxoon shuuneto noone; xuqqeto noone; gondeto noone.

Shoddo 130:2

Ta Doonocho, ta cookoon waayebe; gaachee danoyich ta cookaabeeti cookoon waayebe.

Shoddo 32:5

Ta axaaxoon neech arichiiho; ta gondoonoo aachaano taane; “Ta xuꞌoon Doono Yeerich aannemmo taane” iyoye; newoo ta axaaxoon maarihine.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shoddo 55:17

Maaddoonaa womikkoonon, aabe tukkehaanoo, gaashillaa cookaabeeto taane; biyoo ta qaaroon waayemmone.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 6:5

Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Shoosho 5:7

Axaaxoon shuunetinaꞌo no qaabbechinaꞌone; boonoshiyoo and aalleenaꞌone; tunebaani no boonoshi axaaxoon miꞌehone.

Daaneeli 9:15

“Andoo, ne asheenaꞌon ooge giidoona Gibitsee kichaꞌa, hanaach beddaahaa ne shigo shalligee bi beeyemmoyich tuniiti no Doono, no Nuggishoocho, no, axaaxoon shuuneto noone; gonde mooyon tuniito noone.

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Daaneeli 9:5

No, axaaxoon shuuneto noone; xumme mooyon shuuneto noone; gonde mooyon tuniito noone; hukkoonoo shuuneto noone; ne getoonaa ne doyoonoochee gubb wotteto noone.

Daaneeli 9:8

Doono Yeero, noonnaa no taateenaꞌona, no iraasheenaꞌonaa no qaabbechinaꞌona ne toommooch axaaxoon shuunoona neen no xuqqetoyich, yeelleto noone.

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Efesooni 2:3

Arooba ebi asheenaꞌo daggooch no bulli wotta no meechi daaggoommonaa no mullee daaggoommonon tuniyaabee, no meechi qaatoommona beehone; bareenaꞌo bullichoommon wotta Yeerichi kaaree shiixxoo no toommooch kindemmi asho tunaꞌa beehone.

1 Ximootiyoosi 5:5

Degaalli xuumee tunaꞌa bi ikkeeti beeti maachechi gibeno Yeeri baachiye; ebich xumoonaa areddoonon Yeerin qolloonaa corootoona kupphaa beetine.

2 Ximootiyoosi 1:3

Ta qaabbechinaꞌochoommon axaaxoon tiyaareebeeti xalle mulloona ta goyinnaabeeti Yeerin ne naboyich galletaabee, xumoonaa areddoonon ta qollaa beegaata kuxaanoon neen gabaabeeto taane.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

1 Saameeli 15:11

“Saaꞌoolin ta taatiitoyich ayinito taane. Biyoo taan dabboon qajjitone; ta getoonoo ceechemmon qajjitone” iye. Saameeliyoo ippehe; xumo bullinoo Doono Yeer waan cookiye.