Nehimi 1:3 - Kafa Linguistics Project

³ Boonoshiyoo “Are woraafooch beeti, kecceyoochee echeti asheenaꞌo ooge xuuxoonaa cooneyoonoochiye boonoshi beeto; Yerusaalemi xaqqee uxeroo happeetone; bi kelloo qaaqqoona miccitone” iꞌi taach gettiyeete.

Nehimi 1:3 ပူးပေါင်းရင်းမြစ်များ

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

2 Taateenaꞌo 25:10

Taatoo quyee naayinaꞌochi iraashoona tookkii beeti, Baabloonee ginee naayinaꞌo bulli Yerusaalemi guudoona beeti uxeroon happiyeete.

2 Kiinoo 36:19

Yeerichi yaafee kexon michiye; Yerusaalemi xaqqee uxeroon happiye; taatee kexinaꞌonoo qaaqqoona michiye; arooch beeti aaxxe qiico bullin aalliihe.

Iziri 2:1

Baabloonee taatoo Nabukadinatsori Baabloon keccii bi daammiti asheenaꞌoochee Yerusaaleminaa Yihudee showooch beeti boonoshi katemi katemoonooch wotteti asheenaꞌo eboshine:

Iziri 5:8

“Yihudee showooch, ooge Nuggishoo kexooch hammeto no tuno taatoyich arichebe. Kexoo ogooge xaqqoona shuunee beetone; bi duuhoo booree xareeti mixona shuunee beetone. Ebi shuunoo kupphiitaa shuunee beetone; boonoshi kishoonoo shuunoo kaamee beetone.

Nehimi 11:3

Israꞌeeleenaꞌo, qeesheenaꞌo, Leweenaꞌo, yaafee kechi maddechinaꞌonaa Solomoonichi maddechinaꞌochi yareenaꞌoochee ikkikkeenaꞌo Yihudee showooch beeti katemeenaꞌooch koteheete; eboshi boonoshi hajjee kexonaa boonoshi katemoonooch kotemmona, woraaferasheenaꞌo Yerusaalem koteheete.

Nehimi 2:13

Xumoona Bambeexi Kelloona kecheho; Daawee Aachi Oppoonaa Guudoo Duppi Kelloonooch hammeho; happeeti Yerusaalemi uxeroonaa qaaqqoona micciti bi kelloonon beeggeho.

Nehimi 2:17

Tawoo boonoshich “Yerusaalem happeetoyich, bi kelleenaꞌo qaaqqoona miccitoyich, iritee toommooch no beemon beeggiibeeto ittoshine. Ittoshi waataa, Yerusaalemi uxeroon wochinnoon shuunebone. Illa ebiyee bekk coonee beeyaayone” iyo.

Nehimi 2:3

taatoyichoo “Taatoocho, hume naton taatebe! Ta qaabbechinaꞌochi maasho beeti katemee tiishetaa, bi kello qaaqqoona micaa, aabichiree buuchoo qayote?” iyo.

Nehimi 7:6

Baabloonee taatoo Nabukadinatsori keccii daammiti asheenaꞌoochee Yerusaaleminaa Yihudee showoonooch, Zerubabeelina, Yaasina, Nehimina, Azariyaasina, Raamiyaahina, Nahamaanina, Mordokiyoosina, Bilishanina, Misifereetina, Bigiwayina, Nehuuminaa Banaahina tookkii wotteꞌi, are woraafooch beeti boonoshi katemi katemooch koteti asheenaꞌo eboshine: Israꞌeeleenaꞌoochee wotteti doonjeenaꞌochi haddoo:

Asteeri 1:1

Hiindee showoochee tiijjiꞌi Topphiyee showooch beddaahaa beeti balli hiyaa shabaatte woraafeenaꞌon hajjiibeeti, taatoo Yekisesi yemeenooba ebi tunehe.

Shoddo 79:4

No giyeenaꞌo noon naaggitinaꞌone; no guudoona beetinaꞌo noon coonee congetinaꞌone.

Shaahiyoo 25:28

Bi kaaroon aqqiyoon hakkaani asho, bi uxeroo tiisheti katemoommone.

Isiyaasi 43:28

Ebich yaafee kechi ukkireenaꞌon cooniihoye; Yaaqobi aallemmoyich, Israꞌeeliyoo naakkeyemmoyich tuniihoye” iye.

Isiyaasi 5:5

Ta woyinee goyee toommooch ta tuniyemmi mooyon ittoshich getona; uxeroon waaxxemmo taane; xaqqee uxeroonoo happemmo taane; kubbi cooxo aalliyemmonaa kuppemmonoyich tuniyemmo taane.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 29:18

Goraadoona, shaacoona, biiyoonoo boonoshin yookkemmo taane; boonoshin ta yookketi taatittino bulliichaa, wuche, getteetinaꞌo boonoshin tuniyemmo taane; boonoshin ta yookketi aagetoo bulli daggoochoo ufo, keqqoo, boonoshi toommooch shokkeyoonaa cooneyoonoyich tuniyemmo taane;

Erimiyaasi 39:8

Baabloonee asheenaꞌoo taatee kexonaa asheenaꞌo kexinaꞌonon qaaqqoona michiyeete; Yerusaalemi katemee uxeroonoo happiyeete.

Erimiyaasi 42:18

Israꞌeelee Nuggishoo, Beshe Mawe Doono Yeeri ishichiye: ‘Ta kaaroonaa ta neboona Yerusaalem beetinaꞌo toommooch bi kindoommon, Gibits ittoshi giyiyooba ittoshi toommooch kindemmone. Upeyemmo ittoshine; wuche, getteyemmo ittoshine; ufoyich tunemmo ittoshine; cooneyemmo ittoshine; hini showoonoo wochinnoon beegaachemmo ittoshine’ iye.

Erimiyaasi 5:10

“Boonoshi woyinee bechee daggooch giyiree duubiibote; tunebaani ciroona aalliyaahote; Doono Yeericho tuno boonoshi qajjitoyich bi ateenaꞌon hoꞌote;

Erimiyaasi 52:14

Taatoo quyee naayinaꞌochi iraashoona tookkii beeti, Baabloonee ginee naayinaꞌo bulli Yerusaalemi guudoona beeti uxeroon happiyeete.

Shoosho 1:7

Yerusaalemi bi xuuxee aabooba, bi yallyallimee aabooboo, wonnee bi oogoon gabiyan. Yerusaalemi bi etteenaꞌo kishooch dihiyooba, biin gaachemmo aallehooba, bi etteenaꞌo bi dihoon beeggiꞌi diigii cooneheete.

Shoosho 2:9

Uxeree kelleenaꞌo showee dechiich giyiyeete; tuggeenaꞌonoo tiichii aalliihe; taatoonaa bi iraasheenaꞌona boonoshi beeto, kecooch, aageteenaꞌo showoochiye; illa sheeroon doyoo echetone; keemechinaꞌoo Doono Yeer waanee yaaꞌoon beegaachemminaꞌone.

Shoosho 3:61

Doono Yeero, boonoshi naagoon, ta toommooch boonoshi koceyoo bullin, waayehine.

Shoosho 5:1

Doono Yeero, no toommooch shaggiton batteyaahine; ciine, no cooneyoonoo beege!

Leweenaꞌo 26:31

Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.