Naahoomi 3:7 - Kafa Linguistics Project

⁷ Neen ciinnii beetinaꞌo ne waanee kishebee, ‘Nanawi tiishetine; biich eeppemmo konine?’ gettemminaꞌone. Biin goggiyemmon amoochee danehote?” iye.

Naahoomi 3:7 ပူးပေါင်းရင်းမြစ်များ

Isiyaasi 51:19

Ginoona happeyoo, shaacoona aallo, ebi gutte mooyo neech shaggitone; neen kupphiyemmo konine? Neen goggiyemmo konine?

Erimiyaasi 15:5

“Yerusaalemi asheenaꞌote, ittoshich ariqqemmo konine? Woyee ittoshich ayinemmo konine? Woyee ittoshi diggittinoon echoyich ittoshi waan wottemmo konine?

Erimiyaasi 50:18

Ebich Israꞌeelee Nuggishoo Beshe Mawe Doono Yeeri ishichiye: “Asooree taatoon ta naxoommon Baabloonee taatoonaa bi showoonon naxemmo taane.

Erimiyaasi 51:9

‘Baabloonin wodiiya qiiccehone; tunebaani aroo wodoon hakkaanoone; bi toommooch nalleeti nalloo shimaayooch bi shaggitoyich, gumooch beddaahaanoo damba bi tiyitoyich, biin qayote; no ikkikkoona no showi showooch wottebone’ gettemminaꞌone.

Shoosho 2:13

Yerusaalemi asheenaꞌote, ittoshichon ama getote? Amoona ittoshin shaahiibote? Ittoshin goggiyoyich amoona tachibote? Ittoshi aallo baharoommi gamino bi tunetoyich, ittoshin wodiyemmo konine?

Naahoomi 1:1

Nanawi katemeechon Doono Yeer waanee getteeti wocho ebine. Yeeri Eliqooshi gafee asho tuneti Naahoomi ebi mooyon yaaꞌoona bi beeggemmoyich tuniitaa, biyoo ebi aroon hini macaafooch kooritone.

Sofoniyaasi 2:13

Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Haddoo 16:34

Boonoshi guudoona beeti Israꞌeeleenaꞌo bulli ebi asheenaꞌochi bunnoochee tiyitona, “Showoo noonoo qooxxemmone” iꞌi wocee aalleheete.

Yaaꞌoo 18:10

Bi xuuxoon beegi shatiree wohooch neexeechi, ‘Hini ooge giidechi katemee Baabloone! Diqqoona Yeerichi nalloo ne toommooch shaggitoche! Neech woowo!’ getibee cookemminaꞌone.