Naahoomi 3:6 - Kafa Linguistics Project

⁶ Guudoon ne toommooch duppemmo taane; neen hoxemmo taane; neenoo cooniyemmo taane.

Naahoomi 3:6 ပူးပေါင်းရင်းမြစ်များ

Iyoobi 30:19

Yeeri dengooch taan duppiye; tawoo tulloonaa buttoonon shaahito taane.

Iyoobi 30:8

Gaacaalli, shigaalli asheenaꞌone; showee toommoochee yoohaa aalleti asheenaꞌone.

Iyoobi 9:31

taan guudee oppooch duppahine; ta hajjee taholla taan tiyaarehe.

Erimiyaasi 51:37

Baablooni xaqqee gutoo boqqelleenaꞌo kuufaaree xaaꞌoon tunemmone; ciigeyemmone; wuche, getteyemmone; arooch kotemmo daneyaachemmone.

Shoosho 3:16

Xaqqooch taan guuppiꞌi ta gashoon tiichiye; tullooch taan gederikkiye.

Hiziqeeli 16:37

boonoshina tookkii ne emiriti ne shunimaayeenaꞌo bullin, ne shunnetinaꞌonaa ne shixxetinaꞌonon, bulli xaaꞌoochee ne toommooch kicemmo taane; kiciichi ne achoon boonoshi beeggemmoyich, gaxxemmo taane.

Naahoomi 1:14

Doono Yeeri Asooreenaꞌochon ishichitone: “Boonoshi shigoon ceekkiyemmi shiijjeroo boonoshich daneyaachemmone; qiicaa shuuneetonaa xuuroochee wociitaa shuuneetona tuneti, nuggishoochi misiloon, boonoshi nuggisheenaꞌo kexoochee aalliyemmo taane. Beeyi bedaaneenaꞌo boonoshi tunetoyich, maashoon boonoshich qanniibeeto taane” itone.

Imbaaqoomi 2:16

Ittoshiyoo oogoochee kindiree giishemmo ittoshine; uyi ittoshi mashetaa, ittoshi achoo bekkemmone. Doono Yeeri bi qanne kishooch beeti naxee xoofoon ittoshich bi deejjaa uchemmo ittoshine. Ittoshi oogo giishemmone.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

Milikiyaasi 2:3

“Ittoshi shiijjereenaꞌon sheeremmo taane. Deejjoyich ittoshi giddiiti gijjeenaꞌochi xabeꞌoon ittoshi aafooch huuttemmo taane. Ebi are xabeꞌoona tookki hami duppeyemmo ittoshine.

Milikiyaasi 2:9

Ta gommona hamo ittoshi qajjitoyich, ta asheenaꞌon heppaanoon tachiꞌi dojjoo ittoshi qajjitoyich, ta wotta asho bulli aafoochaa hoxeetonaa cooneetonon ittoshin tuniyemmo taane” iye.

1 Qorontoosi 4:13

gondoon no toommooch boonoshi yibbaatetaanoo deꞌoona wochaabeeto noone. Hanaach beddaahee hini alemeexi asheenaꞌo hidii duppiti guudoonaa caachoonon tuneto noone.

1 Qorontoosi 4:9

Tunebaani “Yeeri bi mishiraachechi noon qitibe getaa nalleeti ashoochoommon bulliyee desh hoxeeti xaaꞌoon nooch immitone” iyaꞌaniye ta gabaabeeto. Ta ishichiti naboo, alemo bulliich, maraakeenaꞌonaa asheenaꞌonochi aafooch cooqqireeto no tunetoyichiye.

Hibireena'o 10:33

Asheenaꞌo ittoshi daggoochee ikkikkeenaꞌon cooneebee, xuuxoon bekkiibee kaachitinaꞌone; ebiyoommon boonoshi toommooch shaggiti iritoon boonoshina tookkii qoodeyecho tuneto ittoshine.

Yihudi 1:7

Ebiyoommon wotta shuno maati, hallooch aalli, yeelliibeeti mooyon tuniiti, Sodoomi, Gomoorinaa boonoshi guudoonooch beeti katemeexi asheenaꞌo, bulli yemeenee qaaqqoona micciibee bullich cuuꞌiyoo tunetinaꞌone.