Naahoomi 3:11 - Kafa Linguistics Project

¹¹ Ittoshiyoo ebiyoommon, masheree shaaweyemmo ittoshine; ittoshi etteenaꞌo waanee aashe ittoshi wodemmi xaaꞌoon qaawemmo ittoshine.

Naahoomi 3:11 ပူးပေါင်းရင်းမြစ်များ

Shoddo 75:8

Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

Isiyaasi 2:10

Doono Yeerichi shattiyoonaa bi oogee yiiroonoochee tiyitona xaqqee gofooch, showee daggooch aashebote.

Isiyaasi 2:19

Doono Yeeri showoon shuurikkiya bi tiyiyooba, bi shattiyoonaa bi oogee yiiroonoochee tiyitona asheenaꞌo xaqqee gogginonaa showee oppoonooch giyemminaꞌone.

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Erimiyaasi 4:5

“Yihudee showoonaa Yerusaaleminoochaa awaajjibote! Showoo bulliichoo shametoon hugote! Oogichishoo cookibee: ‘Ittoshi waataa kiceeree manje katemeenaꞌooch wocone’ getote!

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Erimiyaasi 8:14

Yeerichi asheenaꞌoo “Cikkiree no kotemmo amoyichiye? Doono Yeerin no xuqqetoyich no Nuggishoo Doono Yeeri no aallemmoyich tuniitone; xuppattechi aaconoo nooch uchitone; ebich kicee ittoshi getaa manje katemeenaꞌooch gibone; aroochaanoo qitibone.

Hosee'i 10:8

Israꞌeelich axaaxoo tuneti Aweeni geppee toommeexi goyinnee xaaꞌeenaꞌo happeyemminaꞌone. Angixonaa guccinona keyiree boonoshi deejjee gudeenaꞌon bullemmone. Ebiyooba guudinaꞌon “Noon qeribote,” geppeenaꞌonoo “No toommooch dihibote” gettemminaꞌone.

Amootsi 9:3

Qermeloosi guudi toommooch boonoshi aasheteenona, boonoshin qaawiree aroochee yechemmo taane. Ta aafoochee baharee dechi duchooch boonoshi aasheteenona, dingeroon ta daachiitaa boonoshin qoppemmone.

Mikiyaasi 7:17

Dingeroochoommon, showoona yuummiibeeti mooyinaꞌochoommonoo buttoon baaxxemminaꞌone. Qewebee boonoshi mishigoochee keyi woyemminaꞌone. Shatona no Nuggishoo Doono Yeeri ne waan wottemminaꞌone; neenoo shati beeyemminaꞌone.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Naahoomi 2:1

Nanawi asheenaꞌote, ittoshin yiikkemmo waatone; ittoshi mishigooch giyi quyebote; gommon qayebote; cuyeree tibote; koyoyich qannibote.

Luqaasi 23:30

Arooba asheenaꞌo, ‘Guudinaꞌote, no toommooch dihibote! Hini geppeenaꞌote, noon qeribote’ gettemminaꞌone.

1 Saameeli 13:6

Israꞌeeleenaꞌo boonoshi etteenaꞌo kupphiiꞌi boonoshi ginee naayinaꞌon kochitoyich, boonoshich mooyo maggoo bi tunoon ariiheete. Ebich boonoshi daggoochee xaqqee gofooch, kuchooch, xaqqee daggooch, xaqqee gogginonaa oppoonooch aasheheete.

1 Saameeli 14:11

Ebina boonoshi guttiyona Filsixeemee ginee naayinaꞌoyich bekkeheete. Filsixeemeenaꞌoo “Ebiyoche, Hibireenaꞌo boonoshi aasheti oppoochee kechii beetinaꞌone” iyeete.