Naahoomi 2:9 - Kafa Linguistics Project

⁹ Birewoon bogote; aachoon bogote! Ebi katemoyich beeti aaxxe qiico, bi gaanno haddee ciyaanoone.

Naahoomi 2:9 ပူးပေါင်းရင်းမြစ်များ

2 Kiinoo 36:10

Naawooba taatoo Nabukadinatsori Baabloonee showooch biin cuchiꞌi daammiye; Doono Yeerichi yaafee kexeexi aaxxi qiicoonoo biinna tookkii daammiye. Bi manoo Sedeqiyaasin Yihudee showoonaa Yerusaaleminooch taatiihe.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Isiyaasi 33:4

Gechoo kiceyoommon keco kiceyemmone; gurimaashe gechoo caphoommon asheenaꞌo aroochaa capphemminaꞌone.

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Erimiyaasi 46:5

Shattii gubb wottee beetinaꞌone; boonoshi ginee naayinaꞌoo koyaa dihii beetinaꞌone; gubb cuqeyaanoon afaafinoona xuupphii beetinaꞌone. Hiniichoo, okk ebiichoo, keqqoo beetone. Ebin ta beeggaabeeto amoyichiye? iye Doono Yeeri.

Erimiyaasi 51:56

Aalliyecho Baablooni toommooch bi waatoyich, bi ginee naayinaꞌo kecceheete; boonoshi maꞌoo tiishehe; ebiyoo Doono Yeeri nichoon kichiibeeti, tatoonoo qocciibeeti Nuggishoo bi tunetoyichiye.

Hiziqeeli 26:12

Ne gaannoon keccemminaꞌone; ne giixee qiicoon boggemminaꞌone; ne xaqqee uxeroon dichemminaꞌone; ne emiriibeeti ne kexinaꞌon happemminaꞌone; ne xaqqeenaꞌon, ne mixinaꞌonaa ne buriceenaꞌonon baharee daggooch duppemminaꞌone.

Daaneeli 11:8

Boonoshi nuggisheenaꞌochi misileenaꞌonaa aachoonaa birewoonoochee shuuneeti boonoshi qiiceenaꞌonon keciree, Gibits daammemmone; giisheche nati wottoon Sooriyee taatoon koyaanoon kotemmone.

Naahoomi 3:17

Ittoshin quyechinaꞌo gechoommi meetinaꞌo, ittoshi taatoochi naayinaꞌo, showoo aqqehooba xaqqee uxerooch koteebeeti dofee gechoomminaꞌone; aabo kechimmona biittii hammiyeete; amooch boonoshi hammito gaata, koniyoona ariyaache.

Yaaꞌoo 18:12

Boonoshi deebiibeeti qiiceenaꞌo, aachoo, birewoo, aaxxe xaqqeenaꞌo, inqeenaꞌo, muttee tuppoochee cicii yokketaa shippeti taho, damere taho, haaro getteebeeti nire qoreddoo, maddoo, cinnechi mixo bulli, dangichi gashoochee shuuneeti qiico bulli, oogeti aaxxe mixoochee shuuneeti qiico bulli, gooshoochee, xuuroochee, mallet gaawe xaqqoochee shuuneeti qiico bulli,