Naahoomi 1:7 - Kafa Linguistics Project

⁷ Doono Yeeri deꞌoone; duꞌee aabooboo shoobi xaaꞌoone; biin gibenee beetinaꞌon shiimee yechii beetone.

Naahoomi 1:7 ပူးပေါင်းရင်းမြစ်များ

1 Kiinoo 16:34

Deꞌo bi tunetoyich Doono Yeerin galletebote; bulli yemeenooch shoodechone.

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

2 Kiinoo 13:18

Ebiyooba Israꞌeeleenaꞌo ceeqiyeete. Yihudee asheenaꞌo boonoshi qaabbechinaꞌochi Nuggishoo Doono Yeerin boonoshi gibenetoyich, boonoshin kochii wochiyeete.

2 Kiinoo 32:11

Hiziqiyaasi, “No Nuggishoo Doono Yeeri Asooreenaꞌo kishoochee noon wodiyemmone” bi ii beeto, shaacoonaa shachewoona ittoshi qitemmoyich, ittoshin muriciyoyich toone?

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

2 Kiinoo 32:8

Boonoshina tookkii beeto, ashi giidoone; tunebaani noonna tookkii beeto, noon gaachemmi, wottoo no etteenaꞌon nooch kochemmi, no Nuggishoo Doono Yeerine” iye. Ebi Yihudee taatoo Hiziqiyaasi gettiti qaaroona asheenaꞌo kuppheheete.

Iziri 3:11

Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 100:5

Ebiyoo Doono Yeeri deꞌo bi tunetoyichiye; biyoo bulli yemeenoon shoodechone; bulli shiijjerooch beddaahaa gibeneetone.

Shoddo 20:1

Ne xuuxee aabooba Doono Yeeri ne qolloon waayebe; Yaaqobichi Nuggishoo shigo neen quyebe.

Shoddo 25:8

Doono Yeeri deꞌoonaa kaamoona bi tunetoyich, axaaxechinaꞌoyich bi gommon dojjiye.

Shoddo 27:5

Ebiyoo xuuxee aabooba, bi duukkaanooch taan aachemmo, bi duukkaanee maacoo taan qeremmo, shiishe xaqqee toommoochoo taan neechemmo, bi tunetoyichiye.

Shoddo 37:39

Cadiqeenaꞌoyich wodoo woyemmo Doono Yeer waaneeniye; xuuxee aabooba boonoshich deeboone.

Shoddo 37:40

Bi shoobooch boonoshi giyitoyich, Doono Yeeri boonoshin gaache wodiyemmone; gondeenaꞌo kishoochee boonoshin wodiyemmone.

Shoddo 46:2

Ebich showoo qewetaa, guudinaꞌo baharee daggooch boonoshi dihitaa, shataachone.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 59:16

Ta xuuxee aabooba taach deeboonaa mishigoonon ne tunetoyich, ne hakkoyich shoddemmo taane; qaaroon oogichiree maaddoona, ne shoodoyich, shoddemmo taane.

Shoddo 71:3

deebe xaqqoon tuneree, manje mishigoonoo tuneree, taan wodiibe; ne ta deebe xaqqo, ta mishigo neene.

Shoddo 86:7

Ta qolloon waayemmo ne tunetoyich, ta xuuxee aabooba ne waan cookemmo taane.

Shoddo 9:10

Doono Yeero, neen gibenee beetinaꞌon dufaano ne tunetoyich, ne shigoon arii beetinaꞌo bulli neen gibeneheete.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 25:4

Girechoyich deeboon, shiqqoyichoo bi xuuxee aabooba deebon, aachi aayoochee bi wodemmi xaaꞌoon, aaboyich yiiroon, tuneto neene; maacmanjeenaꞌochi kaaree cufoo, kechi duuhoon qicciibeeti aachi aayoommon,

Isiyaasi 32:2

Eboshiyoo boonoshi ikkikkoona yongoonaa yuboonoochee aashee xaaꞌoommon, baraheexi aachi xuuphoommon, shuuꞌi showoochaa xaqqee guudee yiiroommon tunemminaꞌone.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Erimiyaasi 16:19

Ta hakkoo, ta giidoo, iritee aabooboo ta deebo tuneti Doono Yeero, showee tuggoochee aageteenaꞌo ne waan waaree, “No qaabbechinaꞌo kootoon, duube mooyon, boonoshich gaacaani mooyon woraashitinaꞌone” gettemminaꞌone.

Erimiyaasi 17:17

Iritee aabooba ta deebo neene; keqqichechon taach tuneyaahine.

Erimiyaasi 24:5

“Israꞌeelee Nuggishoo Doono Yeeri ishichiye: Ebi gaawe balaasechoommon hini boonoshi hajjee showoochee Baabloonee showooch ta yookketi Yihudee kecoon deꞌoona gabemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Shoosho 3:25

Doono Yeeri, biin gibenoona quyee beetinaꞌoyich, bi waan wottee beetinaꞌoyichoo gaawetone.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Daaneeli 6:23

Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.

Yoꞌeeli 3:16

Doono Yeeri Tsiyoonaa ciddiye; bi qaaroon oogichiꞌi cookiye. Yerusaalemaanoo gigehe. Shimaayoo, showoo shuuriye. Tunebaani Doono Yeeri bi asheenaꞌoyich shoobi xaaꞌoo tunemmone; Israꞌeeleenaꞌoyichoo mishigo tunemmone.

Sofoniyaasi 3:12

Ittoshi daggooch boonoshi qelloon yittiibeeti gaꞌi deꞌe asheenaꞌon echiyemmo taane; boonoshiyoo ta shoobooch giyemminaꞌone.

Maatiyoosi 27:43

Yeerin gibenetone; wotta ‘Yeerichi Bushoo taane’ itone. Illa Yeeri biin shunniibeeto bi tunegaata, and wodiibe” iyeete.

Maatiyoosi 7:23

Arooba ‘Hini hukkechinaꞌote, ta waanee wohote. Ittoshin cir ariyaano taane’ getiree boonoshich xalla gettemmo taane” iye.

Yowannisi 10:14

“Deꞌe qiddoo taane. Nihoo Yeeri taan bi arii beetoommon, tawoo Nihoo Yeerin ta arii beetoommon ta bageenaꞌon ariibeeto taane; ta bageenaꞌoo taan arii beetinaꞌone; boonoshi keroyichoo qitemmo taane.

Yowannisi 10:27

Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Roomi 11:22

Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone.

Galaati 4:9

Tunebaani and Yeerin ariichii, beshoonoo Yeeri ittoshin ariichaa, giidaalli hoxeeti shiichee doyooch wochinnoon aabichiꞌi wottehote? Guunon tuneꞌi eboshich wochinnoon hajjeyoon shunniyote?

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.