Naahoomi 1:5 - Kafa Linguistics Project

⁵ Bi aafooch guudinaꞌo qeweheete; geppeenaꞌoo muujjiyeete; bi aafooch showoo shuuriye; showoonaa showee toommooch beeto bullina qewehe.

Naahoomi 1:5 ပူးပေါင်းရင်းမြစ်များ

2 Saameeli 22:8

“Showoo qewehe; shuuriinoo iye; shimaayee tuugeenaꞌo shuuriyeete; qeweenoo iyeete; ebiyoo Yeeri kaaretoyichiye.

Iyoobi 26:11

Shimaayoon tuuggiibeeti tuugeenaꞌo qeweheete; bi kaaroona keqqiyeete.

Iyoobi 9:5

Diqqoona guudinaꞌon shuurikkii beetone; bi kaaroona boonoshin guuppii beetone.

Shoddo 104:32

Showoon bi ciinaa qewehe; guudinaꞌon bi yeshaa cufiyeete.

Shoddo 114:4

Guudinaꞌo bagee baaddoochoommon, geppeenaꞌoo bagee bushiishoochoommon, capphiyeete.

Shoddo 114:6

Guudinaꞌote, bagee baaddoochoommon ittoshi capphito amoyichiye? Geppeenaꞌote, bagee bushiishoochoommon ittoshi capphito amoyichiye?

Shoddo 18:7

Showoo qewehe; shuuriinoo iye; guudi koteenaꞌo shuuriyeete; qeweenoo iyeete; ebiyoo Yeeri kaaretoyichiye.

Shoddo 18:8

Bi muddoochee cufoo kechiye; bi kookkoochee michii aalliibeeti qaaqqoonaa geecciibeeti qaaqqee bunoona kechiye.

Shoddo 46:6

Aageteenaꞌo dulliyeete; taatittineenaꞌo dihiyeete; bi qaaroon bi waayiitaa showoo muujjiye.

Shoddo 68:8

Siini Nuggishoo Yeeri aafooch, Israꞌeelee Nuggishoo Yeeri aafooch, showee shuuriyan; shimaayeenaꞌoo amiyon dudiiheete.

Shoddo 98:7

Baharoonaa bi daggooch beeto bullina, alemoonaa arooch beeto bullina cookibe.

Keyo 19:18

Doono Yeeri qaaqqoona bi kinditoyich, Siini guudon cufoo kaappitone; cufoo qaaqqee gudoochee kechii beetoommon tuneꞌi kaama tuqiye; guudo bulliyoo oogeton qewehe;

Isiyaasi 24:1

Ebiyoche, Doono Yeeri showoon shokko echiyemmone; ciroona aalliyemmone; bi halloon shaddiree arooch beetinaꞌon shaccemmone.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Erimiyaasi 4:24

Guudinaꞌon ciinneho; ebiyoche qewee beetinaꞌone; geppeenaꞌoo okk hach shuuriyeete.

Hiziqeeli 38:20

Bahareexi haasheenaꞌo, shimaajji kafeenaꞌo, kubbi cooxinaꞌo, yuummere halleenaꞌo, showee toommooch beeti asheenaꞌo bulli ta aafoochaa qewemminaꞌone; guudinaꞌo guufemminaꞌone; qaaꞌeenaꞌo shekiremminaꞌone; xaqqee uxereenaꞌo dihemminaꞌone.

Yoꞌeeli 2:10

Boonoshi aafaa showoo qewehe; shimaayoo shuuriye. Aabeenaa ageneena mandereheete; xojjeneenaꞌoo aaxxemmon qajjiyeete.

Amootsi 9:5

Beshe Mawe Nuggishoo Doono Yeeri showoon bi yeshaa, muujjemmone; showee toommooch beeto bulli eefemmone. Showoo bulli Abbaayi aaco phiceyoommon kaama tiyii kindibee, phiceyemmone.

Mikiyaasi 1:4

Gippoo qaaqqoona wocoommon, guudinaꞌo bi baataa woccemminaꞌone; aaco geppoochee dugilla wocoommon, dugilla wociree bambooch giyemminaꞌone.

Imbaaqoomi 3:10

Guudinaꞌo neen beeggiꞌi, qeweheete; ambamboo showoon machiꞌi beshee hammiye; baharee aacoo goohiye; aachi aayoo kaama tiyiye.

Zakaariyaasi 4:7

“Ooge geppoocho, ne amo neene? Zerubabeeli aafooch naqqe gaddoon tunemmo neene. Asheenaꞌo, ‘Am shaahoon gaawehe! Am shaahoon gaawehe!’ geti boonoshi cooki beetaa, aroo taci xaqqoon kichi kotiyemmone” iye.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 27:51

Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye; showee qewahan; xaqqee guudinaꞌoo gaaheheete.

Maatiyoosi 28:2

Diqqoona oogeti showee qewo tunehe; Doonochi maraakoo shimaayoochee kindii xaqqoon maashee oppee kelloochee gederikkiꞌi aree toommooch kotehe.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 6:14

Shimaayoo yeebboochoommon qodeꞌi aallehe; guudinaꞌonaa buure showeenaꞌo bullinoo boonoshi xaaꞌoochee aalleheete.

Woraaferasheenaꞌo 5:5

Guudinaꞌo Siini guudi Nuggishoo Doono Yeeri aafooch qeweheete; Israꞌeelee Nuggishoo Doono Yeeri aafooch shuuriyeete.