Naahoomi 1:2 - Kafa Linguistics Project

² Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Naahoomi 1:2 ပူးပေါင်းရင်းမြစ်များ

Iyoobi 20:23

Bi maacoon ceechooch bi beetaa, Yeeri bi kaaree shiixxoon bi toommooch kindiyemmone; bi naxoonoo bi toommooch woniyemmone.

Shoddo 94:1

Nichoon kichechi Nuggishoo Doono Yeero, nichoon kichechi Nuggishoocho, bekkebe.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 34:14

Ta shigo Qanaatecho getteehe. Doono Yeeri ta, qanaatechi Nuggishoo ta tunetoyich, bare nuggishoyich goyinneyaahine.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Isiyaasi 42:13

Doono Yeeri ginee anaamochoommon kechemmone; ginee anaamochoommon kaaroona shiixxii tiyitone; cookemmone; bi qaaroon oogichi bunnemmone; bi etteenaꞌo toommooch sharemmone.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 51:20

Ne bushiisheenaꞌo shaaweeꞌi dihitinaꞌone; dabbooch yecheti doollechoommon, gommo bulliich yacheetinaꞌone; boonoshi toommooch, Doono Yeeri kaaro, ne Nuggishoochi noggoo, kinditone.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Erimiyaasi 25:15

Israꞌeelee Nuggishoo Doono Yeeri taach ishichiye: “Hini kaareechi woyinee uyee xoofoon ta kishoochee deꞌe; neen ta wochaabeeti aageteenaꞌo bulli uchemmoyich tuniibe.

Erimiyaasi 28:8

Wonnee tiijjiꞌi, neennaa taannoyee shiichiꞌi tiyiti keemechinaꞌo, meeti showeenaꞌonaa ogooge taatittineenaꞌonochi toommooch, gineechon, aalleechonaa naxeechonon keemmitinaꞌone.

Erimiyaasi 3:5

‘Bulli aabooch kaarenne? Ciirooch beddaahaa ippenne?’ iibee axaaxoon shuunoochee wotteyaache iyine” iye.

Erimiyaasi 36:7

Doono Yeeri hini ashi toommooch gettiti kaaroonaa naxoona oogeto bi tunetoyich, diqqich Doono Yeeri aafooch corootemminaꞌo, asho bi ikkikkoonoo bi gondoochee wottemmo tunemmone” iye.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 50:15

Doono Yeerichi nichee kichoo bi tunetoyich bi guudoochaa cookibote; kishoon immitone; bi mishigo shekiretone; bi uxeroo dihitone; bi toommooch nichoon kichibote; bi shuunetoommon bi toommooch shuunebote.

Shoosho 4:11

Doono Yeeri bi kaaree shiixxoon kindiihe; ooge bi kaaroon woniihe; Tsiyooni toommooch qaaqqoon geddiye; dechi bi hecoonoo michiye.

Hiziqeeli 36:6

Ebich Israꞌeelee showoon ciinnii beetona keemoon keembe; guudinaꞌonaa geppeenaꞌonoyich, woce aacinaꞌonaa bambeenaꞌonoyichoo ishichibe: ‘Nuggishoo Doono Yeeri ishichiye: Aageteenaꞌochi naagoona ittoshi xuuxetoyich ta qanaatee kaaroona yibbaatemmo taane.

Hiziqeeli 38:18

Nuggishoo Doono Yeeri ishichiye: “Googi Israꞌeelee showoon bi koyiyooba, ta kaaro cufemmone;

Hiziqeeli 38:19

ebiyooba Israꞌeelee showooch, oogeti showee qewo tunemmo bi tunoon ta qanaatoona, ta neboonoo getteto taane.

Hiziqeeli 39:25

“Ebich Nuggishoo Doono Yeeri ta ishichiibeeto taane: And Yaaqobichi kecoon wochemmo taane; Israꞌeelee maccoo bullich ariqqemmo taane; yaafe ta shigoyich qanaatemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 6:12

Wohooch beeto biiyoona qitemmone; katinooch beeto ginoona dihemmone; aroochee muriccii wodito shaacoona ciiremmone; ta kaaroona ebiyoommi mooyon boonoshi toommooch tuniyemmo taane.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Yoꞌeeli 2:18

Doono Yeeri bi showoyich qanaatehe; bi asheenaꞌonoo ariqqehe.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Mikiyaasi 5:15

Taach deꞌa gettemmon qajjiti aageteenaꞌo bulli toommoochoo ta kaaree shiixxoon kindiyoona nichoon kichemmo taane” iye.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Zakaariyaasi 1:14

“Aroochee taanna tookkii yibbaateebeeti maraakoo taach ishichiye: ‘Ebi Beshe Mawe Doono Yeeri gettiibeeti qaaroon awaajjibe: “Yerusaaleminaa Tsiyooninoyich oogichii qanaateto taane.

Zakaariyaasi 8:2

“Beshe Mawe Doono Yeeri ta ishichaabeeto taane: Tsiyooni katemoyich oogeti qanaato taan yechitone. Bi etteenaꞌon ta kaaremmoyich tuniiti qanaatoon qanaateto taane” iye.

Haddoo 25:11

“Qeeshoo Harooni bushoochi bushoo, Elazaari bushoo Finihaasi ta oogoyich boonoshi daggooch ta qanaatoommon qanaateꞌi, ta kaaree shiixxoon Israꞌeeleenaꞌo waanee bi wochitoyich, ta kaaroona boonoshin aalliyaano taane.

Roomi 12:19

Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.

Roomi 13:4

Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

Hibireena'o 10:30

“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.