Naahoomi 1:12 - Kafa Linguistics Project

¹² Doono Yeeri bi asheenaꞌoyich ishichiye: “Asooreenaꞌo dofeenaꞌonaa giidechinaꞌona boonoshi tunetaanoona, wuxaa aallemminaꞌone. Ta asheenaꞌote, ittoshin woddoo duꞌiito taane; illa ebiyee damba ittoshin duꞌiyaachemmo taane.

Naahoomi 1:12 ပူးပေါင်းရင်းမြစ်များ

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

2 Taateenaꞌo 19:37

Ikke areddoon bi nuggishoo Nisirookichi yaafee kexooch goyinnee bi beetaa, bi bushiisheenaꞌo Adirameleekinaa Sharetseerina biin goraadoona wuxiyeete; aroochee muricciꞌi Araraatee showooch maxxeheete. Bi bushoo Asiradooni bi xaaꞌooch kereeꞌi taatehe.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Isiyaasi 10:16

Ebich Doono, Beshe Mawe Doono Yeeri, xaqqijje bi ginee naayinaꞌo toommooch muujjiibeeti biiyoon deejjemmone; qaaqqoochoommon, bi oogee yiiree dechiichaa aaxxemmone.

Isiyaasi 17:14

Xum ebiyoche keqqoo tunehe; tunebaani showoo haroyee shiichiree aallemminaꞌone; noon kochii, boggii beetinaꞌo toommooch tunemmi mooyo ebine.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 31:8

Asooreenaꞌo ashicho tuneyaani goraadoona dihemminaꞌone; ashicho tuneyaani goraado boonoshin maayemmone; goraadee aafoochee woccemminaꞌone; boonoshi gurimaasheenaꞌo guunon tuneree maddemminaꞌone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Isiyaasi 7:20

Aroobee yemeenooch Doono Yeeri aacoyee beqachee bi kiraayiti appoona, ebiyoo Asooree taatoona, ittoshi qelli eexonaa ittoshi baateexi eexonon, ittoshi ishaanoonoo caggemmone.

Isiyaasi 8:8

ufebee Yihudee showooch shaggemmone; qooxibeeshoo beshemmone; qettooch beddaahaa beddemmone. Amanuꞌeelo! Yaggeeti bi qosheenaꞌo ne showoon tuggoochee tuggooch beddaahaa qerii beetinaꞌone” iye.

Daaneeli 11:10

Sooriyee taatoochi anaami bushiisheenaꞌo koyeya qanniree, dofee ginee naayinaꞌon kicemminaꞌone. Boonoshi daggoochee ikkoo hidii daammiibeeti ambamboochoommon diqqoona bi ettoochi xaqqee uxerooch beddaahaa shagiree koyemmone.

Yoꞌeeli 2:19

Boonoshichoo ishichiye: “Maayoon, woyinee uyoonaa zayitoonon ittoshich immemmo taane; ittoshiyoo michemmo ittoshine. Ebiyee bekk, aageteenaꞌo daggoochaa, ittoshi cooneyemmoyich tuniyaachemmo taane.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Yaaꞌoo 7:16

Illa ebiyee bekk shaaceyaachemminaꞌone; ebiyee gubb shacheweyaachemminaꞌone; aabo boonoshin yexaachemmone; gaamoo amolla boonoshin michaachemmone.