Mishiraachechinaꞌo 9:4 - Kafa Linguistics Project

⁴ Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

Mishiraachechinaꞌo 9:4 ပူးပေါင်းရင်းမြစ်များ

Halloo 16:8

Biyoo “Haane, Saarayichi gonnee Haggaare, amoochee waanne? Amoochiye ne hammaabeeto?” iye. Haggaariyoo “Ta gennee Saaray waanee aallaꞌaniye ta hammaabeeto” iyan.

Halloo 22:11

Tunebaani Doono Yeerichi maraakoo shimaayoochaa “Abrahamo, Abrahamo!” ii ceeggiye. Abrahamiyoo eekkehe.

Halloo 3:9

Tunebaani Nuggishoo Doono Yeeri Addaamin ceeggiꞌi, “Aabiichiye ne beeto?” iye.

Keyo 3:4

Ebi mooyon ciinna Muusi giddoon beeggiꞌi, Doono Yeeri kuchee daggoochaa, “Muuso, Muuso!” iꞌi biin ceeggiye. Muusiyoo eekkehe.

Isiyaasi 6:8

Aroochee Doonochi qaaro, “Konin wochebote? Konine nooch hammemmo?” ii bi beetaa waayeho. Tawoo “Taan wochebe; ta hammemmo taane” iyo.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Zakaariyaasi 2:8

Ittoshi achooch shaggimmo ta aafee aachoon kochite getone” iye. Aroochee Beshe Mawe Doono Yeeri bi asheenaꞌon boggiti aageteenaꞌoyich ishichi ta gettemmoyich gettiye:

Haddoo 16:45

“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye. Boonoshiyoo baroona guufeheete.

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Luqaasi 10:41

Doono Yesuusi wochiꞌi, “Maaritte, Maaritte! Meeti mooyona ne mulloon xuuxiihine; iriteenoo iyine.

Yowannisi 18:6

Yesuusi boonoshich “Aroo taane” bi immona, gubb kisheꞌi showooch dihiyeete.

Yowannisi 20:16

Yesuusi “Maariyame” iye. Areyoo guuddaa wottaꞌa Hibiree noonoona “Rabbuno!” iyan; ishi geto “Dojjechocho!” getone.

Yowannisi 21:15

Maayoon boonoshi maatoyee gubb, Yesuusi Simoon Pheexiroosin “Yoonichi bushoo Simoono, eboshiyee beshoon taan shunnenne?” iꞌi echehe. “Eeha ta Doonocho, neen ta shunon ne ariibeeto neene” iye. “Ta bagee bushiisheenaꞌon qiddebe” iye.

Mishiraachechinaꞌo 5:10

Areyoo bekkech Pheexiroosi baatooch dihaꞌa qitiyan. Gurimaasheenaꞌo wottee kexooch giyiꞌi, qitaꞌa beetin daneheete; kichiꞌinoo bi kenoochi gaꞌooch duukkiyeete.

Mishiraachechinaꞌo 9:5

Biyoo “Ta Doonocho, koni neene?” iꞌi echehe. Doono biich wochiꞌi, “Ne duꞌiibeeti Yesuusi taane.

Roomi 11:22

Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone.

1 Qorontoosi 12:12

Ashittino ikkoo bi tunetaanoona, meeti quumechone; ashittinee quumo meeto tuneebee ikke ashittinoon bi tunoommon, Kiristoosiyoo wotta ebiyoommone.

1 Qorontoosi 4:7

Haano, bareenaꞌoyee besho neen tuniito, konine? Yeeri neech imaanee mooyo amo beete? Illa Yeeri neech immito bi tunegaata, amoyichiye Yeer waanee ne daneyaani wojjoon tuniiꞌa geecaabee ne naadee beeto?