Mishiraachechinaꞌo 9:36 - Kafa Linguistics Project

³⁶ Arooba Yoopphi katemooch Xaabbiti getteebeeti, ikke Yesuusichi dabbee beehan. Bi shigo Giriikee noonoona Doriqi getteehe. Areyoo bulli aaboon deꞌe mooyon shuunaabee, iriteetinaꞌon gaachaabee beehan.

Mishiraachechinaꞌo 9:36 ပူးပေါင်းရင်းမြစ်များ

2 Kiinoo 2:16

Nowoo ne qaawimmi wottoon mixon Libanoosi guudoochee kuxi cuyiree, baharee toommona deebi, Yoopphi katemooch beddaahaa bi shaggemmoyich tuniyemmo noone. Ebina newoo Yerusaalem bi hammemmoyich tuniyemmo neene” iye.

Iziri 3:7

Aroochee xaqqoon xarii tachii beetinaꞌonaa anaaxeenaꞌonoyich gijjoon immiyeete. Faariisee taatoo Qiroosi daaggitoommon, yigee mixon Libanoosee showoochee baharoona Yooppha boonoshi deebemmoyich, Sidoonee asheenaꞌonaa Xiroosee asheenaꞌonoyich maayoon, uyoonaa zayitoonon immiyeete.

Shaahiyoo 5:19

Shuchiyaabeeti doollechoommon, malletechi xiixxechoommon, bulli aaboon bi xano neen digaayiibe; bi shunoonoo bulli areddoon miye.

Solomooni 2:9

Ta shiiqqi doolloommo, boyijjee bushoommone; ebiyoche no uxeree gubb neexete; mallee kelloonoo maac ciinniibeete; kechi aahoonoo cuqeebeete.

Solomooni 3:5

Yerusaalemi gidiideenaꞌote, bi qelloona qaawii bi tiyimmi wottoon, shunoon ittoshi shuurikki tiijjaachemmoyich, doolloona woyee kubbi boyijjoona ittoshin callehoye.

Solomooni 8:14

Ta shiiqqo, kaate wobe; qimaamee guudinaꞌoochaa doolloon woyee boyijjee bushoon, shaahibe.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

Maatiyoosi 25:17

Wotta gutte makilitoon deqqito ebiyoommon tuniiꞌi bare gutte makilitoon shiijjiye.

Yowannisi 15:5

“Woyinee qombee indoo taane; ittoshiyoo ato ittoshine. Ta aalloon amoonolla halloon hakkaachemmo ittoshine. Ebich taanna beemmo, tawoo biinna beemmo, aroo wodde aafoon aafemmone.

Yowannisi 15:8

Wodde aafoon ittoshi aafegaata, ta dabboonoo ittoshi tunegaata, ebina ta Nihoo oogemmone.

Mishiraachechinaꞌo 10:23

Pheexiroosiyoo boonoshin kexooch ataallii giijjiꞌi qeejjiye. Bi yaachich Pheexiroosi tiyiꞌi boonoshina tookkii hammiye; wotta Yooppha beeti maneenaꞌo daggoochee ikkikkeenaꞌo biinna tookkii hammiyeete.

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 10:8

bulli mooyon bi gettitoyee gubb, Yooppha wochee daachiihe.

Mishiraachechinaꞌo 11:13

Biyoo ‘Maraakoo ta kexooch giyii neexetaa beeggoye; are maraakoo “Yooppha ashoon wocheree Pheexiroosi getteebeeti Simoonin ne waan ceege.

Mishiraachechinaꞌo 11:5

“Ta, Yoopphaa corootaabee yaaꞌoon beeggehoye. Are yaaꞌoona oogeti naxaloommi qiico awudde caappoona yecheꞌi, shimaayoochee kindii ta waan waahe.

Mishiraachechinaꞌo 9:38

Liidi Yoopphi katemoyich katino bi tunetoyich Yooppha beeti Yesuusichi asheenaꞌo Pheexiroosi Liida bi beemon waayeꞌi, gutte asheenaꞌon wochee daachiiꞌi kaate boonoshi waan bi woyemmoyich Pheexiroosin qolleheete.

Mishiraachechinaꞌo 9:42

Ebiyee gubb, Yooppha beetinaꞌo bullich hini mooyo waayeehe. Ebina meeti asheenaꞌo boonoshi mulloon Doono Yesuusi toommooch tooꞌiiheete.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

1 Tasaloonqi 4:10

Ebiyoommon Makidoonee showoo bulliich beeti kittinnee maneenaꞌon shunniibeeto ittoshine. Illa ta maneenaꞌote! Ittoshin no qollaabeeto, aafichoyee beshoon ebin ittoshi tuniyemmonaa

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Titoosi 2:7

No doyoon shixxiibeeti asho no shigoon bi gondiyemmi mooyon mucceree bi yeellemmoyich, bulli gommona gaaweton shuunebee deꞌe mooyon bekkiyecho tunebe. Ne dojjaabeeti doyoona deꞌe moochecho, asho bullina naadeeto, koniyoona oonon hakkaani iiwe yibbaatecho ne tunoon bekkiibe.

Titoosi 3:8

Ebi bullich bi qaaro gibeneetone; mulloon Yeeri toommooch tooꞌiiti asheenaꞌo deꞌe shuunoon shuunoona boonoshi kupphemmoyich, eboshin gaawichiree gete. Ebi mooyo deꞌoone; asho bullichoo gaaccemmone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

Yaaqobi 1:27

Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.

Yaasi 19:46

Mejarikooninaa Rakooninane; wotta Yoopphi katemee guudooch beeti showoonoo geddiꞌiniye.