Mishiraachechinaꞌo 9:34 - Kafa Linguistics Project

³⁴ Biinoo ishichiye: “Eeniyoo, Yesuus Kiristoosi neen wodiitone. Tibe, ne qeenon yaggibe” iye. Aroo bekkech tiyiye.

Mishiraachechinaꞌo 9:34 ပူးပေါင်းရင်းမြစ်များ

Maatiyoosi 8:3

Yesuusiyoo bi kishoon hini are uro toommooch kotiiꞌi, “Daaggiyoye, wodibe” iye. Ishichii bi immona, uro bekkech qeddee shaddee biiyoochee wodiye.

Maatiyoosi 9:6

Tunetaa Ashi Bushoo hini showee toommoochaa ashi axaaxoon maaroyich hakkoo biich beemon ittoshi ariyemmoyich” iꞌi bi ashittino qititi uroon “Hini uroocho, and tiyi ne shaaꞌoon shaagiree ne kexooch hambe” iye.

Yowannisi 2:11

Yesuusi hini malletoon shiichiꞌi Galiilee showooch beeti Qaani katemoochaa tuniihe; arooba bi oogee yiiroon bekkiihe. Ebich bi dabbeenaꞌo boonoshi mulloon bi toommooch tooꞌiiheete.

Mishiraachechinaꞌo 16:18

Ishichaabee meeti aaboon noon dabbaa cookaa beehan. Tunetaa Phawuloosi iriteechii, gubb wotteꞌi, bushee toommooch beeti ayaanoon “Yesuus Kiristoosichi shigoona neen calleto taane; hini bushee toommoochee tibe” iye. Are ayaanoo bekkech bushee toommoochee tiyiye.

Mishiraachechinaꞌo 3:12

Pheexiroosiyoo ebin ciinniꞌi asheenaꞌoyich ishichiye: “Hini Israꞌeeleenaꞌote, amoyichiye ebi mooyona ittoshi worganeebeeto? Aakkiyane hini uroon woyee noon ooge mooyo tuniiꞌi ittoshi manjii ciinniibeeto? Hini uro no hajjee giidoona woyee no deꞌe shuunoona shaꞌeto ittoshich shaahii beete?

Mishiraachechinaꞌo 3:16

Hini ittoshi ciinnii beeti, ittoshi ariibeeti uro wodiꞌi bi kuppheto Yesuusichi shigoona daneti mullee tooꞌiyoonane. Ittoshi bulli beeggii beetoommon, Yesuusichi shigoona daneti mullee tooꞌiyoo hini uroyich ceeni wodoon immitone.

Mishiraachechinaꞌo 3:6

Arooba Pheexiroosi “Ta kishooch amolla aalloone; tunetaa taach beeton immemmo taane. Naazireetechi Yesuus Kiristoosichi shigoona tiyiree shaꞌebe” iye.

Mishiraachechinaꞌo 4:10

ittoshi yooddiiti, Yeeriyoo qitoochee bi tiijjiti, Naazireetechi Yesuus Kiristoosichi shigoona wodiꞌi ittoshi aafooch bi neexo ittoshi bullinaa Israꞌeeleenaꞌo bullinoyich aricheto tunebe. Biyoo,

Mishiraachechinaꞌo 9:33

Are xaaꞌooch ashittinoon wuxiibeeti biiyoona shimitte naton beerooch qeyiꞌi beeti, Eeniyi getteebeeti ikke uroon danehe.

Mishiraachechinaꞌo 9:35

Liidinaa Shaarooninooch beetinaꞌo bulli hini are woditi uroon beeggiꞌi, Doono Yesuus waan wotteheete.