Mishiraachechinaꞌo 9:31 - Kafa Linguistics Project

³¹ Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Mishiraachechinaꞌo 9:31 ပူးပေါင်းရင်းမြစ်များ

1 Kiinoo 22:18

“Ittoshi Nuggishoo Doono Yeeri and beddaahaa ittoshina tookkiiniye. Ittoshi etto bulli waanee ittoshin kashiitone. Hini showooch beeti asheenaꞌon ta kishooch beshiiꞌi immitone. Showoo Doono Yeerinaa bi asheenaꞌonoyich hajjeetone.

1 Kiinoo 22:9

tunebaani diggee asho tunemmi bushoo neech shiijjemmone; bi guudoona beeti bi etto bulliichee biin kashiyemmo taane; bi taatee yemeeno bulliich Israꞌeeleenaꞌoyich diggoonaa tooqqii kashoonon immemmo ta tunetoyich, bi shigo Solomooni getteyemmone.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Nehimi 5:9

Daakkaꞌa ishichiyo: “Ittoshi tuniibeeti mooyo gaaweyaanoone; no etteenaꞌo tuneti aageteenaꞌo noon naagaachemmoyich, no Nuggishoon shatona beemo ittoshich qaawiyaache?

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Shoddo 111:10

Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.

Shoddo 86:11

Doono Yeero, neech gibeneyoona ta beeyemmoyich, ne gommon taach dojjibe; mulloon guttiyaanoon neen ta shattemmoyich tuniibe.

Shoddo 94:13

Gondeenaꞌoyich oppo iichemmi wottoon boonoshin xuuxee aaboochee kashiyemmo neene.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 23:17

Ne mullo axaaxechinaꞌon qanaataaye; heeyo bullin Doono Yeerin shatona beebe.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Zakaariyaasi 8:20

Beshe Mawe Doono Yeeri ishichiye: “Meeti katemoochee dofee asheenaꞌo woyemminaꞌone.

Mishiraachechinaꞌo 12:24

Aroochee Yeerichi qaaro gaminnii gaminnii hammiye.

Mishiraachechinaꞌo 16:5

Ebich kittinnee guuphinaꞌo Yesuusi toommooch mullee tooꞌiyoona kupphee beeheete. Qeyii qeyiinoo meettii beeheete.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 20:32

“Andoo ittoshin kupphiyoonaa yaafeeti asheenaꞌo bullichi daggooch iristoon imonon hakkiibeeti Yeerinaa bi wojjeechon gettiibeeti qaaroonoyich adereto taane.

Mishiraachechinaꞌo 5:11

Arooba Yesuusichi asheenaꞌonaa ishin waayeti bare asheenaꞌo bullinochi maacooch oogeti shato giyiye.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 8:1

Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 14:19

Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 5:5

Nooch icheti Yaafe Ayaanoona Yeeri bi shunoon no mullooch bi ceechitoyich hini gibeno noon yeelliyaache.

1 Qorontoosi 14:12

Ebiyoommon wotta ittoshi Yaafe Ayaanee wojjoon kupphiiꞌi qaawiibeeto ittoshi tunetoyich, kittinnee guuphinaꞌon eenniyoyich tunemmi wojjeenaꞌon oogichiree qaawibote.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

2 Qorontoosi 10:8

Doono Yesuus Kiristoosi nooch bi immiti hakkoona beshoon ta geecigaatoona, yeelleyaache; ebi hakkoon nooch bi immito, ittoshin no eenniyemmoyichalli, ittoshin no happemmoyich toonoone.

2 Qorontoosi 12:19

And beddaahaa ittoshi gabiibeeto, no qellichon taggeebeeto tuniiꞌiniye? No shunechinaꞌote! Kiristoosina tunaꞌa no gettaabeeto Yeeri aafoochiye; ebi bullin no gettaabeeto, ittoshin eenniyoyichiye.

2 Qorontoosi 13:10

Ebich ittoshin ta happemmoyich tuneyaanoon, ittoshin ta eenniyemmoyich Doono Yesuusi taach bi immiti hakkoommon, ittoshi waan ta waahooba ittoshi toommooch ta manjaachemmoyich, hini wochoon batt ittoshiyee wohooch beechaa koorito taane.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Efesooni 4:12

Ebin bi tuniito, Kiristoosichi quumo tuneti kittinnee guupho eennemmoyich, yaafeenaꞌon maddee shuunoyich qanniyoyichiye.

Efesooni 4:16

Ashittinee quumo bulli tatoona bi shuunemmoyich tuniibeeto Kiristoosine; quumeenaꞌo bulli gaweto maqqoonane; ebich quumo bi qelli qelloona bi yeshi yeshi shuunoon bi shuunemmona ashittino bulli diccii beetone; shunoonoo eennii beetone.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 5:21

Kiristoosin oogoyicha getiree, ittoshinaa ittoshina ikkoo baroyich hajjeebe.

Yibbaatoo 12:10

Yoordaanoosin ittoshi kimiyooba, ittoshi Nuggishoo Doono Yeeri are showoon woraashi arooch ittoshi beeyemmoyich tuniyemmone. Biyoo ittoshi etteenaꞌo bulli waanee ittoshin bi kashiitaa, diggoona beeyemmo ittoshine.

Filipphisiyoosi 2:1

Kiristoosina kuppheebeeto ittoshi tunegaata, bi shunoona goggeebeeto ittoshi tunegaata, bi Ayaanoona tookkii ikkittino ittoshich beegaata, ittoshinaa ittoshina shoodeebeeto, ariqqeebeetoo ittoshi tunegaata,

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

1 Tasaloonqi 5:11

Ebich and ittoshi wotta tunii beetoommon, ittoshinaa ittoshina ikkoo baroon goggiibe; ikkoo baroon eenniibe.

1 Ximootiyoosi 1:4

Wotta tochee tochoonaa ciiraalli shiijjereenaꞌochi kiinoon haddoonooch boonoshi qelloon beshiiree boonoshi imaachemmoyich gete. Eboshiyoommi mooyinaꞌo hayoon tiijjeheetalli, gibenoona shuuneebeeti Yeerichi shuunoyich boonoshi gaaccemmi gaaco aalloone.

Hibireena'o 4:9

Illa Yeerichi asheenaꞌoyich, shambetee kashoommi kasho batt echetone.

Yaasi 21:44

Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Woraaferasheenaꞌo 3:30

Arooba Moꞌabeenaꞌo Israꞌeeleenaꞌo kishooch dihiyeete. Ebina shinne nati wottoon showoo kashehe.