Mishiraachechinaꞌo 9:17 - Kafa Linguistics Project

¹⁷ Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Mishiraachechinaꞌo 9:17 ပူးပေါင်းရင်းမြစ်များ

Halloo 45:4

Ebich Yooseefi bi maneenaꞌon “Eke hach ta waan giddebote” iye. Boonoshiyoo bi waan giddeheete. Boonoshichoo ishichiye: “Gibits hammiibeeti giixechinaꞌoyich ittoshi kemmiti ittoshi manoo Yooseefi taane.

Maatiyoosi 19:13

Arooba asheenaꞌo, Yesuusi bi kishoon boonoshi toommooch kotiiree boonoshich bi corootemmoyich gishiishi bushiisheenaꞌon bi waan deebiyeete; tunetaa bi dabbeenaꞌo bushiisheenaꞌon deebiti asheenaꞌon noggeheete.

Maariqoosi 5:23

“Giishi ta busheechi kasho kech bedditone. Bi kasho wottetaa bi wodemmoyich waaree ne kishoon bi toommooch kotiibe” ii kupphiiꞌi qollehe.

Maariqoosi 6:5

Are xaaꞌooch giisheche biiyechinaꞌochi toommooch bi kishoon kotii wodiyoyee damba amee gaakkechi shuunoonolla tuniyoyich cir hakkaanoone.

Luqaasi 1:41

Elsabeexiyoo Maariyamichi diggiyee qaaroon bi waayemmona, yeqqefoo bi maacoochaa tuguceeꞌi capphiye. Bekkech Elsabeexi Yaafe Ayaanoona ceennaꞌa,

Luqaasi 1:67

Arooba bushoochi nihoo Zakaariyaasiyoo Yaafe Ayaanoona ceenniꞌi ishichii keemoon keemmiye:

Luqaasi 1:76

“Wotta hini gaggeroocho, Doonochi gommon qaxxeya bi aafooch shiichemmo ne tunetoyich, Beshoo Yeerichi keemecho getteyemmo neene;

Luqaasi 15:30

Tunetaa hini ne bushoo ne gijjoon daammii maachee toommoochaa aalliiꞌi wottee bi waammona, awujjiti gubbenoon biich bashihine’ iye.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Mishiraachechinaꞌo 10:36

Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 13:3

Arooba coomii corootii boonoshi itoyee gubb, hini gutte asheenaꞌochi toommooch boonoshi kishoon kotiiheete. Aroyee gubb deennii daachiiheete.

Mishiraachechinaꞌo 13:52

Arooba Yesuusichi dabbeenaꞌo oogichii emiriyeete; Yaafe Ayaanoonoo ceenniyeete.

Mishiraachechinaꞌo 19:6

Phawuloosiyoo bi kishoon boonoshi toommooch bi kotiitaa, Yaafe Ayaano boonoshi toommooch kindiye. Aroochee boonoshi ariyaani noonoona yibbaateheete; keemoonoo keemmiyeete.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Mishiraachechinaꞌo 26:15

“Tawoo ‘Doonocho, ne koni neene?’ iyo. “Doonoo wochiꞌi, ‘Ne duꞌiibeeti Yesuusi taane.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 6:6

Eboshin mishiraachechinaꞌo aafooch deebii neechiyeete. Mishiraachechinaꞌo hini are kaacceti asheenaꞌoyich boonoshi corootitoyee gubb, kishoon boonoshi toommooch kotiiheete.

Mishiraachechinaꞌo 8:17

Arooba Pheexiroosinaa Yowannisina are asheenaꞌochi toommooch kishoon boonoshi kotiitaa, Yaafe Ayaano boonoshi toommooch kindiye.

Mishiraachechinaꞌo 9:18

Bekkech teepphee kongeroommo bi aafoochee holliye. Arooba bi aafo ciinniye; tiyiꞌi aacona afaalleehe;

Roomi 15:7

Ebich Yeeri oogemmoyich Kiristoosi ittoshin bi waan bi katichoon shalligibee ebiyoommon tuniibotalli, ittoshinaa ittoshina ikkoo baroon shiqqiyaaye.

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

1 Qorontoosi 15:8

Ciiroochaa hini gitto tuneti taach wotta bekkehe.

1 Qorontoosi 9:1

Konichona hajjeyaani xalle asho toono taane? Mishiraachecho toono taane? No Doono Yesuusin ta hajjee aafoona beegaano taane? Ittoshi wotta Doono Yesuusi taanna bi shuuneti shuunee aafo ittoshi toone?

1 Ximootiyoosi 4:14

Yeeri gettiti mooyo keemmee beetaa, kittinnee guuphi geeneenaꞌo ne toommooch boonoshi kishoon kotiihooba, neech icheꞌi ne toommooch beeti Yeerichi wojjoona shuuneyaanoon qajjaahine.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

2 Ximootiyoosi 1:6

Ebich neech ta shalligichaabeeto, ta kishoon ne toommooch ta kotiihooba ne daneti Yeerichi wojjoon qaaqqoon shoohoommon ne shookkemmoyichiye.

Filimooni 1:16

Illa ebiyee damba neenna tookki bi beeyemmo guunoommon tuneyaanoon, guunoyee beshiti shucheti manoommoniye; taach shucheti manoone; neechoo wotta meenona tunebe Doonona beshoon shucheti manoone.

2 Pheexiroosi 3:15

No Doono Yeeri haaꞌii bi beeto ittoshi wodoyich bi tunoon shalligibote. No shunnaabeeti no manoo Phawuloosi Yeeri biich immiti ariyoona ittoshich bi koorito ebiniye.