Mishiraachechinaꞌo 9:15 - Kafa Linguistics Project

¹⁵ Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Mishiraachechinaꞌo 9:15 ပူးပေါင်းရင်းမြစ်များ

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Maatiyoosi 10:18

Ta naboyich iraasheenaꞌonaa taateenaꞌonochi aafooch ittoshin neechemminaꞌone; ebi bi tunemmo boonoshinaa Aageteenaꞌonoyich miixoo ittoshi tunemmoyichiye.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 21:19

Phawuloosi boonoshin bi diggiitoyee gubb, bi shuuneti shuunoona Yeeri Aageteenaꞌo daggooch bi tuniiti mooyon yaaroona gettiye.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 25:22

Agripphi Fisxoosich “Are uroochi yibbaatoon waayoon qaawaabeeto taane” iye. Fisxoosi “Yaach waayemmo neene” iye.

Mishiraachechinaꞌo 26:1

Taatoo Agripphi Phawuloosin “Neech beeti mooyon geton hakkihine” iye. Aroochee Phawuloosi bi kishoon yaggiꞌi ishichiye:

Mishiraachechinaꞌo 26:32

Taatoo Agripphi iraashoo Fisxoosich “Hini uro ‘Qesaari aafooch ta mooyo giddebe’ bi getaan gaata, biicheeyeshone” iye.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.

Mishiraachechinaꞌo 28:17

Keejje qemoyee gubb, Phawuloosi Room beeti Ayihudee ogoogeenaꞌon bi waan ceekkiihe. Boonoshi waa kiceetaa, ishichiye: “Ta maneenaꞌote! Ta, Ayihudeenaꞌonaa no qaabbechinaꞌo sheeroonochi toommooch ta gondeti gondo aalloone; tunetaa Yerusaalemee cuchiꞌi Roomechinaꞌo kishooch beshiiꞌi taan immiyeete.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 11:13

Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 9:16

Mishiraachee qaaroon geto taach icheti echeyaani mooyone. Ebich ta geecemmi mooyo taach aalloone; mishiraachee qaaroon geto ta qayigaata, taach woowo!

Galaati 1:1

Ashi waanee woyee asho koninolla tuneyaanoon Yesuus Kiristoosinaa qitoochee biin tiijjiti Nihoo Yeerina kaacheti Phawuloosi waanee,

Efesooni 3:1

Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

2 Ximootiyoosi 2:4

Koyooch ceegaa hammiibeeti asho bulli ginee iraashoon emirikkoyich gabiyalli, bare shuunooch giyiꞌi xandeyaache.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.