Mishiraachechinaꞌo 8:9 - Kafa Linguistics Project

⁹ Arooba are katemooch Simooni getteebeeti ikke uro beehe. Biyoo, bi kaayiibeeti kaayoona Shamaaree asheenaꞌon worganikkiibee echetone; aroo wotta “Ta oogoo taane” ii beehe.

Mishiraachechinaꞌo 8:9 ပူးပေါင်းရင်းမြစ်များ

Keyo 7:11

Aroochee Farooni Gibitsee showeexi kaayechinaꞌon, eboshiyoo yiiteenaꞌonaa allaameenaꞌonon bi ceegaa, boonoshiyoo boonoshi kaayoona ebiyoommon tuniiheete.

Keyo 7:22

Gibitsee showeexi kaayechinaꞌo boonoshi kaayoona ebiyoommon tuniiheete. Ebich Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 9:11

Gibitsee kaayechinaꞌo Muusi aafooch neexoon hakkaaneenaꞌone; ebiyoo boonoshinaa Gibitsee asho bullinochi toommooch gaaboo kechitoyichiye.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Yowannisi 7:18

Bi qellee gaboona gettiibeeto, ashi waanee oogoon qaawiibeeti ashoone; tunetaa biin wocheton oogiiya qaawiibeeto, aroo ibere moochechone; xummittino bi mullooch aalloone.

Mishiraachechinaꞌo 13:6

Ebiyee gubb, Qoophiroosee showoo bullin guuddii, Phaafi katemooch shaggiꞌi, Bariyaasi getteebeeti Ayihudee allaamoon daneheete; aroo koote keemechone.

Mishiraachechinaꞌo 13:8

Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.

Mishiraachechinaꞌo 5:36

Ebiyee aaf Tiyodaasi getteebeeti uro ‘Ta oogoo taane’ iꞌi bi tiyaa, awudde ball bede asheenaꞌo biinna tookkii ikkotteheete. Tunetaa hini are uro ashi kishoona qitiye; biinna tookkii ikkottetinaꞌo bulliyoo shacee aalleheete; mooyoo duubee echehe.

Mishiraachechinaꞌo 8:11

Meeti yemeenoon bi kaayaa beeggitinaꞌo worganeebee, bi getoon waayee beeheete.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

2 Ximootiyoosi 3:2

Asheenaꞌo boonoshi qelloon shunnii beetinaꞌo tunemminaꞌone; gijje shuneenaꞌo, naadeyechinaꞌo, geecechinaꞌo, naagechinaꞌo, boonoshi nihoonaa indeenoyich deꞌa getaaneenaꞌo, galleteyaaneenaꞌo, yaafe mooyon eeꞌii beetinaꞌo,

2 Ximootiyoosi 3:5

Boonoshiyoo Yeerich goyinnee beetinaꞌon shaahibeetani, goyinneechi giidoon nookketinaꞌone; eboshi waanee wohe.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.