Mishiraachechinaꞌo 8:31 - Kafa Linguistics Project

³¹ Aroo wochiꞌi, “Taach kaachi gettemmi asho aalloon aabichiree ta mullooch giyehe?” iye. Gaariich keyiree biinna tookki bi kotemmoyich Filipphoosin qollehe.

Mishiraachechinaꞌo 8:31 ပူးပေါင်းရင်းမြစ်များ

2 Taateenaꞌo 5:26

Tunebaani Elisayi biich, “Neenna daneya uro gaariichee kindii bi beegaata, ayaanoona neenna tookkii beetaachote? Hini, birewoonaa tahoona, bageenaꞌonaa gatteenaꞌona, guuninaꞌonaa gonneenaꞌona, zayitee michi budonaa woyinee budona deqqeyemmi yemeenoone?

2 Taateenaꞌo 5:9

Naꞌimaaniyoo bi haresheenaꞌonaa bi gaarinaꞌona waaꞌi, Elisayi kechi kellooch, maach neexehe.

Shoddo 73:22

mullaalli dookko tunehoye; ne aafoochaa miimo tunehoye.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Maariqoosi 10:15

Iberoon ittoshich gettoye: Yeerichi taatittinoon giisheche bushoochoommon deꞌaano arooch cir giyaachemmone” iye.

Mishiraachechinaꞌo 8:30

Filipphoosiyoo woccii hammiꞌi, uro keemechi Isiyaasi kooriti macaafoon bi shemmee beetaa waayehe. Aroochee “Iberoon ne shemmaabeeto ne mullooch giyii beete?” iꞌi echehe.

Mishiraachechinaꞌo 8:32

Uro shemmeebeeti macaafee kuxo ebine: “Bago biin guuremmon bi dabboommon biin guuremminaꞌon dabbiye; bi eexon caggii beetinaꞌo aafooch cikkii qajjiibeeti bagoochoommon bi noonoon wochaanoone.

Roomi 10:14

Illa bi toommooch mulloon tooꞌiyaaneenaꞌo aabichiree ceeggeheete? Biichon getaa waayeyaanoon aabichiree boonoshi mulloon bi toommooch tooꞌiyeheete? Gettecho aalloon aabichiree waayeheete?

1 Qorontoosi 3:18

Koniyoona bi qelloon dachaaye. Ittoshi daggoochee koniyoona hini showee toommeexi asheenaꞌochi gaboommon “Shalligecho taane” iꞌi bi gabigaata, shalligechon bi tunemmoyich, tuushoon shaahiree bekkebe.

1 Qorontoosi 8:2

Koniyoona “Ariyoo taach beetone” iꞌi bi gabigaata, are uro batt ibere ariyee xaaꞌooch shagaanoone;

Yaaqobi 1:10

gaannecho wotta bi giishoona, geecibe. Ebiyoo gaanno mocee bungoochoommon oojjemmo bi tunetoyichye.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.