Mishiraachechinaꞌo 8:25 - Kafa Linguistics Project

²⁵ Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.

Mishiraachechinaꞌo 8:25 ပူးပေါင်းရင်းမြစ်များ

Maatiyoosi 10:5

Arooba Yesuusi hini are aaraa gutteenaꞌon wochehe; ishichiinoo boonoshich gettiye: “Aageteenaꞌo showee gommona hammaahote; Shamaari katemoochoo giyaahote.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Yowannisi 15:27

Ittoshiyoo wotta shiichiꞌi taanna tookkii ittoshi beetoyich, taachon miixemmo ittoshine” iye.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 13:12

Arooba Qoophiroosee iraashoo tuneti mooyon beeggiꞌi, “Doono Yesuusichon ittoshi dojjiibeeti doyoo bulli manjoone” iꞌi worganeebee bi mulloon Yesuusi toommooch tooꞌiihe.

Mishiraachechinaꞌo 18:5

Sillaasinaa Ximootiyoosina Makidoonee showoochee boonoshi waahooba, Phawuloosi kashee wottiyaanoon, Yesuusi aroo Kiristoosi bi tunoon Ayihudeenaꞌoyich miixee beehe.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Mishiraachechinaꞌo 8:40

Filipphoosi Azaxooni katemooch bi shago arichehe; aroochee Qesaariya bi shaggimmi wottoon katemoo bulliich mishiraachee qaaroon gettiibee beshee beehe.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.