Mishiraachechinaꞌo 8:24 - Kafa Linguistics Project

²⁴ Aroochee Simooni wochiꞌi, “Hini ittoshi gettitoochee ikkolla ta toommooch bi shagaachemmoyich ittoshi taach Doono waan corootibote” iye.

Mishiraachechinaꞌo 8:24 ပူးပေါင်းရင်းမြစ်များ

Halloo 20:17

Doono Yeeri Abrahami mechee Saarichi naboona Abimeleeki kexooch beeti maacheenaꞌo bushoon boonoshi shiyaachemmoyich, boonoshi maacoon dookkitone. Ebich Abrahami Yeer waan corootiye. Yeeriyoo Abimeleekin wodiihe; wotta wochinnoon bushoon boonoshi shiyemmoyich, bi mecheenaa bi gonneenaꞌonochi maacoon qechiye.

Halloo 20:7

Illa ureen bi kenoyich wochibe. Biyoo keemechone. Neech corootemmone; newoo wodemmo neene. Tunebaani wochoo ne qayigaata, neennaa ne asheenaꞌo bullina qitemmo ittoshi tunoon ariibe” iye.

1 Taateenaꞌo 13:6

Aroochee Yeer ashoyich taatoo, “Taach ne Nuggishoo Doono Yeerin qollebe; ta kishoo wodemmoyich corootibe” iye. Ebich Yeer asho Doono Yeerin qollehe. Taatoochi kishoo wodiye; wonnee bi gooroochoo wottehe.

Iziri 6:10

Ebiyoo, shimaajji Nuggishoon emirikkemmi deejjoon boonoshi giddiyemmonaa taatoonaa bi bushiishoonochi diggoyich boonoshi corootemmonoyichiye.

Iziri 8:23

Ebi mooyoyich coomaꞌa no Nuggishoon qollehon; biyoo no qolloon waayehe.

Iyoobi 42:8

Illa ebich and shabaatte wuronaa shabaatte bagee baaddoonon yeshiree ta guuno Iyoob waan hambote; micciibeeti deejjoon ittoshi qellich deejjibote; ta guuno Iyoobi ittoshich corootemmone. Tawoo ittoshi shuuneti yeelliiti mooyoommon ittoshi toommooch ta tuniyaachemmoyich, bi qolloon waayemmo taane; ta guuno Iyoobi tuniitoommon, ta mooyon tatoona yibbaateyaano ittoshine” iye.

Keyo 10:17

Illa and ikke wottoon ta axaaxoon maariree, ebi gonde naxoon bi wokkiyemmoyich, ittoshi Nuggishoo Doono Yeerin qollebote” iye.

Keyo 12:32

Ittoshi bageenaꞌonaa emmisheenaꞌonon, ittoshi miimo bullinoo yeshiree hambote. Taanoo diiribote” iye.

Keyo 8:8

Farooniyoo Muusinaa Harooninon ceeggiꞌi boonoshich ishichiye: “Taannaa ta asheenaꞌona waanee woqqeqqeenaꞌon bi wokkiyemmoyich, Doono Yeerin qollebote. Doono Yeerich deejjoon boonoshi deejjemmoyich ittoshi asheenaꞌon ta gawukkaa hammemminaꞌone” iye.

Erimiyaasi 37:3

Taatoo Sedeqiyaasi “No maccoyich no Nuggishoo Doono Yeer waan qollebe” iꞌi Shelemaayichi bushoo Yehukaalinaa Maseyaahichi bushoo, qeeshoo Sofoniyaasinon keemechi Erimiyaas waan wochee daachiihe.

Erimiyaasi 42:2

Giddeꞌinoo keemechi Erimiyaasich ishichiyeete: “No qollaa beeton ne tuniyemmoyich neen qollehone: Ne Nuggishoo Doono Yeer waan nooch corootibe; hini curo bullich corootibe. Ne beeggaa beetoommon, meetoochee giishecho echeto noone;

Haddoo 21:7

Asheenaꞌo Muus waan waaꞌi ishichiyeete: “Neennaa Doono Yeerinochi toommooch gonde mooyon yibbaatoona xuqqeto noone. Dingeroon no waanee bi wokkiyemmoyich Doono Yeer waan nooch corootibe” iyeete. Muusiyoo asheenaꞌoyich corootiye.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.