Mishiraachechinaꞌo 8:2 - Kafa Linguistics Project

² Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete.

Mishiraachechinaꞌo 8:2 ပူးပေါင်းရင်းမြစ်များ

Halloo 23:2

Kanaanee showooch beeti Qiriyaat Aribaa, ebiyoo Kebiroonaa qitiyan. Abrahami oogeton eeppii muushenehe.

Halloo 50:9

Meeti gaarinaa meeti hareshechinaꞌona tookkii hammitinaꞌone. Hammiti asheenaꞌo mattiqutteenaꞌone.

2 Saameeli 3:31

Aroochee Daawiti Yoꞌaabinaa bi asheenaꞌo bullinoyich “Ittoshi tahoon keexi, dookoon taheree, Abeneerich eefote” iye. Taatoo Daawitiyoo bi qelloona dubenoon deenniꞌi hammiye.

2 Kiinoo 32:33

Hiziqiyaasiyoo qitiꞌi bi qaabbechinaꞌo waan xaꞌeehe. Daawiti yareenaꞌochi damba qachi maashooch biin duukkiyeete. Yihudee showoonaa Yerusaaleminooch beeti asho bulli biich oogoon immiye. Bi bushoo Minaasi bi xaaꞌooch kereeꞌi taatehe.

2 Kiinoo 35:25

Erimiyaasiyoo Yosiyaasich shooshehe. Shoosheebeeti anaaminaꞌo bullinaa maacheenaꞌo bullina hanaach beddaahaa ebi shooshoon shoosheebee Yosiyaasin shalligii beetinaꞌone. Ebiyoo Israꞌeeleenaꞌoyich doyoo tuneꞌi, Shooshee macaafooch kooreetone.

Erimiyaasi 22:10

Yihudee asheenaꞌote! Wotteyaachemmo bi tunetoyich, bi shiijjeti showoonoo beegaachemmo bi tunetoyich, Yosiyaasichi bushoo Shaluumich caammeree eefotalli Yosiyaasich eeppaahote; bi qitoyichoo ayiniyaahote.

Erimiyaasi 22:18

Ebich Doono Yeeri Yihudee taatoo Yosiyaasichi bushoo Yoyaqiimichon ishichii beetone: “ ‘Ye ta manoocho, ye ta maneene!’ getibee, biich shoosheyaachemminaꞌone; woyee ‘Ye ta doonocho, ye ta oogoocho!’ getibee biich shoosheyaachemminaꞌone;

Haddoo 20:29

Asheenaꞌo bulli Harooni qitoon ariiꞌi, shaashe qemon biich goppii eeppiyeete.

Maariqoosi 6:29

Ishin waayeti Yowannisi dabbeenaꞌo hammii bi dubenoon deebiꞌi duukkiyeete.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 2:5

Arooba showee toommo bulliich beeti asheenaꞌo daggoochee Yeerich qeyiibeeti Ayihudeenaꞌo Yerusaalem wotteꞌi beeheete.

Mishiraachechinaꞌo 8:1

Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

Mishiraachechinaꞌo 8:3

Tunebaani arooba Sawuli Yesuusichi asheenaꞌon kachaa kashoon tuushiiꞌi iritii beehe; boonoshi kexi kexooch giyiꞌi maacheenaꞌonaa anaaminaꞌonon shotti shottee kichiꞌi cuyee kexooch daammii cuchii beehe.

Yibbaatoo 34:8

Israꞌeeleenaꞌo Muusich shaashe qemon Moꞌabee gaddoochaa eeppiyeete. Muusich boonoshi eeppiti eefi aabo beshehe.

1 Saameeli 28:3

Aroyee aaf Saameeli qititone. Israꞌeeleenaꞌo bulliyoo biich eeppiꞌi, bi hajjee katemoo tuneti Raama biin duukkitinaꞌone. Saaꞌooliyoo qititi ashoona tookkii yibbaatee beetinaꞌonaa allaameenaꞌonon Israꞌeelee showoochee boonoshi aallemmoyich tuniitone.