Mishiraachechinaꞌo 8:1 - Kafa Linguistics Project

¹ Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

Mishiraachechinaꞌo 8:1 ပူးပေါင်းရင်းမြစ်များ

Nehimi 6:3

Tawoo boonoshich wocheyechinaꞌon daachiyaꞌa, “Ooge shuunee toommooch ta beetoyich, hamo taach hakkeyaanoone; shuunoon dufiree ittoshi waan ta hamaa, shuunoo neexemmo, amoyichiye?” iyo.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Daaneeli 6:23

Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.

Maatiyoosi 22:6

Echeenaꞌo wocheetinaꞌon yechiꞌi boonoshi kashoon yulliiheete; wuxiinoo iyeete.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 5:13

“Showee toommooch beeti asheenaꞌo bullich ittoshi kiihoommo ittoshine. Tunebaani kiiho noocon bi qayigaata, amoona noociyeheete? Maaxooch kichi boonoshi dufaa, baatoona neecheyehalli, gubbich amoonolla gaacaache.

Yowannisi 15:20

‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Yowannisi 16:2

Ayihudeenaꞌo kiceebeeti kexoochee ittoshin yookkemminaꞌone; ebiyeenoo wotta ittoshin wuxemminaꞌo bullich boonoshi shuunoo Yeerich gaacheebeeto bi shaahemmi aabo woyemmone.

Mishiraachechinaꞌo 1:8

Tunebaani Yaafe Ayaano ittoshi toommooch bi kindiyooba, giidoon danemmo ittoshine. Arooba Yerusaalem, Yihudee showoo bulliich, Shamaaree showooch, showee tuggo bulliichoo ta mooyon miixemmo ittoshine” iye.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 22:20

ne miixoo tuneti Isxifanoosin boonoshi wuxiyoobolla, ta qelloona boonoshi gaꞌooch neexaꞌa, “Bi qitoo tatoone” iyaꞌa wuxitinaꞌochi tahoon quyeto taane’ iyo.

Mishiraachechinaꞌo 26:10

Ebin wotta Yerusaalemaa tuniito taane; qeeshee ukkireenaꞌo waanee ta wocheyoon bekkiibeeti koorichoon yechaꞌa, kittinneenaꞌo daggoochee meetinaꞌon cuyee kexooch cuchiito taane. Boonoshi wuxee beegaatoo, ta wotta wuxii beetinaꞌona tookkaa ikkotteto taane.

Mishiraachechinaꞌo 5:18

Boonoshinoo yechiꞌi, cuyee kexooch cuchiiheete.

Mishiraachechinaꞌo 5:20

“Hamiree yaafee kexooch neexeree, hini kashee qaaree bulli mooyon asheenaꞌoyich getote” iye.

Mishiraachechinaꞌo 5:33

Ayihudee nallechinaꞌo ishin boonoshi waayetoyich oogichii ippeꞌi, “Hini asheenaꞌon wuxibone” iyeete.

Mishiraachechinaꞌo 5:40

aree hillooch mishiraachechinaꞌon boonoshi waan ceekkiiꞌi, arengoona xoobbiyeete. “Yesuusichi shigoona guttinnoon yibbaateyaahote” iꞌi gawukkiyeete.

Mishiraachechinaꞌo 7:38

Aroo no qaabbechinaꞌona tookkii barahooch kiceeti asheenaꞌo daggooch, wotta Siini guudoochaa biich gettiti maraakoona tookkii beetone. Kasho beeti qaaroonoo nooch imma Yeer waanee deqqito aroone.

Mishiraachechinaꞌo 7:54

Ayihudee nallechinaꞌo ishin waayee, oogichii ippeꞌi boonoshi gashoon shaacciyeete.

Mishiraachechinaꞌo 7:58

Biin geechii katemoyee maach kichiyeete. Miixeenaꞌo boonoshi tahoon kichiꞌi, Sawuli getteebeeti ikke gurimaashoo aafooch geddiichii, Isxifanoosin xaqqoona yexooch giyiheete.

Mishiraachechinaꞌo 8:14

Arooba Yerusaalem beeti mishiraachechinaꞌo Shamaaree asheenaꞌo Yeerichi qaaroyich deꞌa geton waayeꞌi, Pheexiroosinaa Yowannisinon boonoshi waan daachiiheete.

Mishiraachechinaꞌo 8:2

Ikkikke Yeerich qeyiti asheenaꞌo Isxifanoosin duukkiyeete; ooge eefonoo eeppiyeete.

Mishiraachechinaꞌo 8:4

Hini shaceti asheenaꞌo boonoshi hammito bulliich Yeerichi qaaroon gettiyeete.

Mishiraachechinaꞌo 8:5

Arooba Filipphoosi Shamaari katemooch hammiꞌi Kiristoosichon gettiye.

Mishiraachechinaꞌo 9:31

Arooba Yihudee showoo, Galiilee showoonaa Shamaaree showoo bullinooch beeti kittinnee guuphinaꞌo shatoochee kasheheete, manjiyeete; Doonoyichoo hajjeebee Yaafe Ayaanoona goggeebee qeyii qeyii meettiyeete.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Filipphisiyoosi 1:12

Ta maneenaꞌote! Ebi ta toommooch shaggiti mooyo iberoon mishiraachee qaaroon bi gamichoon ittoshi ariyemmoyich shunnoye.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.