Mishiraachechinaꞌo 7:60 - Kafa Linguistics Project

⁶⁰ Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

Mishiraachechinaꞌo 7:60 ပူးပေါင်းရင်းမြစ်များ

Iziri 9:5

Aroochee womikkee deejjee saatooch, are keexe maaci ta tahoonaa maachi ta tahoonon ta tahetona, coomaꞌa ta kotetoochee tiyeho; gutenaꞌa ta kishoon ta Nuggishoo Doono Yeer waan yaggaachaa,

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Daaneeli 6:10

Daaneeli ebi awaajjo kooreeti koorichee toommooch malletoo geddeyoon bi ariihooba, bi kexooch hammiꞌi, mallee kello Yerusaalem waan qecheebeeti kechi toommeexi bi kexoochaa, bulli aaboon bi tunii beetoommon, heeyooch keejje wottoon guteneꞌi bi Nuggishoo Yeer waan corootiye; biinoo galletehe.

Maatiyoosi 27:52

Maashee oppeenaꞌo qecheeheete; qititi yaafeenaꞌoochee meetinaꞌo kashecho tuneꞌi tiyiyeete.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Luqaasi 22:41

Biyoo boonoshiyee xaqqee awur bedoon wokkiꞌi guteneechii,

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Luqaasi 6:28

ittoshin uppii beetinaꞌon diiribote; ittoshin naaggii beetinaꞌoyich, corootibote.

Yowannisi 11:11

Ebin bi gettitoyee gubb wochinnoon “No shunechi Alazaari tokketetone; tunebaani biin tokketoochee tiijjiya hammaabeeto taane” iye.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Mishiraachechinaꞌo 20:36

Ebiyee gubb, Phawuloosi boonoshi bullina tookkii guteneꞌi corootiye.

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.

1 Qorontoosi 11:30

Ebichi naboona ittoshi daggoochee meetinaꞌo biiyeꞌi niretinaꞌone; ikkikkeenaꞌoo qititinaꞌone.

1 Qorontoosi 15:18

Ishigaata, boonoshi mulloon Kiristoosi toommooch tooꞌiichii qititinaꞌo aalletinaꞌone getone.

1 Qorontoosi 15:20

Tunebaani Kiristoosi qititinaꞌoyich qaabboo tuneꞌi iberoon qitoochee tiyitone!

1 Qorontoosi 15:51

Ellebote! Ikke maacee mooyon ittoshich getona: No bulli qitaachemmo noone; tunebaani ciireexi tiroo hugaa, no bulli qillifee yexx bekkech shaddeyemmo noone. Are tiroo hukkemmone; qititinaꞌo oꞌaachemminaꞌo tuneree tiyemminaꞌone; nowoo bekkech shaddeyemmo noone.

1 Qorontoosi 15:6

Aree hillooch uuche balloyee beshe bi dabbeenaꞌoyich ikke wottoon bekkehe. Eboshi daggoochee meetinaꞌo hanaach beddaahaa kashoona beetinaꞌone; tunetaa ikkikkeenaꞌo qititinaꞌone.

1 Tasaloonqi 5:10

Kashoona no beetaa woyee no qititaa, biinna tookki kashoona no beeyemmoyich Kiristoosi noocha iꞌi qitiye.

2 Ximootiyoosi 4:16

Batti batti ta taggoyich ikkolla taan gaacheyaanoon bulla qajjitinaꞌone; Yeeri ebi xuꞌoon boonoshi toommooch haddaaye.

2 Pheexiroosi 3:4

Boonoshiyoo “ ‘Woyemmo taane’ iꞌi bi gibenikkito and illa aaye? No qaabbechinaꞌo qititinaꞌone; tunetaa showoonaa shimaayoona halleetoochee tiijjiꞌi and beddaahaa bulli mooyo aafi bi beemoochee shaddeyaanoone” gettemminaꞌone.