Mishiraachechinaꞌo 7:51 - Kafa Linguistics Project

⁵¹ “Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Mishiraachechinaꞌo 7:51 ပူးပေါင်းရင်းမြစ်များ

2 Taateenaꞌo 17:14

Tunebaani boonoshi Nuggishoo Doono Yeerin gibeneyaani boonoshi qaabbechinaꞌochoommon babbereheetani, waayeyaaneenaꞌone.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

Nehimi 9:16

“Tunebaani no qaabbechinaꞌo geeciyeete; babbereheete; ne getoonoo ceechaaneenaꞌone.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Shoddo 75:5

ittoshi qaroon damba shimaajj tiijjiyaahote; ittoshi qettimixon ciixibee yibbaateyaahote’ gettemmo taane” iye.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Keyo 32:9

Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone.

Keyo 33:3

Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.

Keyo 33:5

Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Erimiyaasi 6:10

Ta getaa waayemmo koni beete? Konich kupphii getote? Boonoshi waamo hichetone; elloon hakkaaneenaꞌone; ebiyoche Doono Yeerichi qaaro cooqqireetone; boonoshinoo emirikkaanoone.

Hiziqeeli 2:4

Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane.

Hiziqeeli 44:7

Taach deejjoo tuniiꞌi koshon, awuyonaa damoonon ittoshi giddiihooba boonoshi mulloonoo tuneba boonoshi achoona dokireyaani ashi showee asheenaꞌo ta yaafee kexooch boonoshi giyemmoyich, ta kexonoo boonoshi eeꞌiyemmoyich, tuniito ittoshine; ebin tuniyoona ciigiiti ittoshi moochi toommooch daakkiꞌi ta wogoon happiyote.

Hiziqeeli 44:9

Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.

Leweenaꞌo 26:41

ebiyoo boonoshin ta shixxemmoyich tuniiti, wotta boonoshi etteenaꞌo showooch kecaa boonoshi hammemmoyich tuniiti boonoshi xuꞌoon aanniꞌi, getaa giyaani boonoshi mulloon kaachiꞌi, boonoshi xuꞌoyich bede sheeroon boonoshi deꞌigaata,

Haddoo 27:14

Ebiyoo Tsiini barahooch beeti aachi gashoochaa iiteenaꞌo ta toommooch tiyiyooba asheenaꞌo aafoochaa ta getoon quyoona yaafoo tuniiꞌi taan oogiyoo ittoshi qajjitoyichiye” iye. Ebi aaco Tsiini barahooch, Qadeesh beeti Meriibi aacone.

Mishiraachechinaꞌo 6:10

Tunetaa bi gettiibeeti ariyoonaa Ayaanoonon habbiyoon hakkaaneenaꞌone.

Mishiraachechinaꞌo 7:27

“Are xuqqiibeeti uro, Muus waan wottee kishoona xuqqiꞌi, ‘No toommooch ukkiroonaa nallechona ne tunemmoyich, konine neen ukkiriito?

Mishiraachechinaꞌo 7:35

“Hini Muusi ‘Ukkiroonaa nallechona ne tunemmoyich konine neen ukkiriito?’ iꞌi boonoshi hoxeti uroone. Aroonoo tushee daggoochaa bi beeggiti maraakoo kishoona Yeeri ukkiroonaa wodiyechonon tuniiꞌi deejjiye.

Mishiraachechinaꞌo 7:39

“Tunebaani no qaabbechinaꞌo hini are Muusin xuqqiyeete; ‘No toommooch ukkireyaache’ iꞌi boonoshi mulloona Gibits wotteheete.

Mishiraachechinaꞌo 7:9

“Hini no qaabbechinaꞌo boonoshi manoo Yooseefina qanaateꞌi Gibits hammiibeeti giixechinaꞌoyich biin kemmiyeete. Tunebaani Yeeri biinna tookkii tunehe;

Roomi 2:25

Muusichi Sheeroon ceechaa ne quyegaata, ne dokireyoo gaacechone; tunebaani Muusichi Sheerooch kooreeton ne shaaddegaata, dokireyaani ashoommon tuneto neene.

Efesooni 4:30

Yeeri ittoshin biishemmi aabo woyemmo tunoon xiishiibeeti yechiyoo, ebiyoo ittoshi toommooch malletoon tuniiꞌi Yeeri gedditi bi Yaafe Ayaanoon ayinikkiyaahote.

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 9:13

“Doono Yeeriyoo daakkiꞌi ishichiye: ‘Ebi asheenaꞌon beeggeto taane. Iberoon babbereenaꞌone.

Yibbaatoo 9:6

Illa ebich, ne Nuggishoo Doono Yeeri ebi gaawe showoon ne woraashemmoyich neech bi immiibeeto, ne cadiqittinoyich tunee bi qayon ariibe. Ne babberoo neene” iye.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Qolaasiyaasi 2:11

Ittoshiyoo biicho ittoshi tunoona, dokireeto ittoshine. Ebi ittoshi dokkireyoo, axaaxoo waan gaꞌeebeeti gonde shuriyoon shootoyich, Kiristoosina tunetoꞌani ashi kishoona tuneto toonoone.