Mishiraachechinaꞌo 7:49 - Kafa Linguistics Project

⁴⁹ ‘Doono Yeeri “Shimaayoo ta taatee qeenone; showoo ta baatoo neexxemmi xaaꞌoone; taach am shaahe kexoniye ittoshi haggemmo? Ta kashemmi xaaꞌochi, amoommone?

Mishiraachechinaꞌo 7:49 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

2 Kiinoo 6:18

“Tunebaani Yeero, iberoon ashoona tookki hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 23:22

‘Shimaayoona!’ iꞌi wogeebeeto, Yeerichi taatee qeenonaa bi toommooch koteti Yeerina wogetone.

Maatiyoosi 24:2

Tunetaa biyoo wochiꞌi, “Eboshi bullin beeggii beetote? Iberoon ittoshich gettoye: Hini xaqqeenaꞌo happeyaanoon xaqqo xaqqee toommooch keddeeree ebina beetaachemminaꞌone” iye.

Yowannisi 4:21

Yesuusi ureyich ishichiye: “Haane, ta gettaa beeton iberiibe; hini guudoochaa tuneba Yerusaalemaa, Nihoo Yeerich ittoshi goyinneyaachemmi yemeeno woyemmone.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.