Mishiraachechinaꞌo 7:42 - Kafa Linguistics Project

⁴² Ebich Yeeri boonoshin qajjiye; shimaajji xojjeneenaꞌoyich boonoshi goyinnemmoyich beshiiꞌi boonoshin immiye. Keemechinaꞌochi macaafooch bi kooreetoommon, ‘Yeeri “Hini Israꞌeeleenaꞌote! Aabbe naton barahooch ittoshi beehooba, deejjoonaa buuroonon ittoshi giddiito taachiye?

Mishiraachechinaꞌo 7:42 ပူးပေါင်းရင်းမြစ်များ

2 Taateenaꞌo 17:16

Boonoshi Nuggishoo Doono Yeerichi geto bullin qajjiyeete; boonoshi qellich aachoon ukkii, gutte maanji misiloon shuuneheete. Nuggishee Asheeri misiloon shuuneheete; shimaajji xojjenoyich goyinneheete; Baꞌaaloyichoo maddeheete.

2 Taateenaꞌo 21:3

Bi nihoo Hiziqiyaasi happii aalliiti, guudi toommeexi goyinnee xaaꞌeenaꞌon wochinnoon shuunehe. Israꞌeelee taatoo Akaabi tuniitoommon, Baꞌaaloyich deejjee gudoon shuunehe; nuggishee Asheeri misiloonoo neechiye; shimaajji xojjeno bullichoo goyinnee maddehe.

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Isiyaasi 43:23

Micciibeeti deejjoyich tunemmi bagoon taach deebaano neene; woyee ne deejjoona taan oogiyaano neene; ‘Maayi buuroon deebe’ getona neen iritiyaano taane; ‘Ixaanee deejjoon giddiibe’ getonoo neen yulliyaano taane.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Isiyaasi 66:4

Ta ceegaa koniyoona wochoo bi qajjitoyich, ta yibbaatetaa elloon boonoshi qajjitoyich, ta aafoochaa gonde mooyon boonoshi tuniitoyich, ta emiraanee mooyon boonoshi shunnitoyich, iritoo boonoshi toommooch shaggemmoyich tuniyemmo taane; boonoshi shattiti mooyon boonoshi toommooch deebemmo taane” iye.

Erimiyaasi 19:13

Yerusaalemi katemeexi kexinaꞌonaa Yihudee taateenaꞌo kexinaꞌona, boonoshi kechi toommeexi kexinaꞌoochaa shimaajji xojjeneenaꞌo bullich boonoshi deejjiti, bare nuggisheenaꞌoyich uyee buuroon boonoshi ukkiti kexinaꞌo bulliyoo Tofeeti xaaꞌoochoommon eeꞌeenaꞌo tunemminaꞌone’ itone gete” iye.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hiziqeeli 20:25

Aroochee boonoshich gaaweyaani qociyoon, kashoona boonoshi betaachemmi doyoonoo immehoye.

Hiziqeeli 20:39

“ ‘Israꞌeelee macceenaꞌote, ittoshichon Nuggishoo Doono Yeeri ishichiye: Illa ebiyee bekk ta getoon waayeyaache ittoshi getigaata, ittoshi ikkikkoona hamiree ittoshi shahalloyich goyinnebote; tunebaani ebiyee bekk yaafe ta shigoon ittoshi buuroona, shahalloonoo eeꞌiyaachemmo ittoshine.

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Hosee'i 4:17

Efreemi shahalloona tookkii yeshecho bi tunetoyich, ittoshi qayaa bi gaba hambe.

Yowannisi 6:45

‘Boonoshi bulli Yeer waanee ariitinaꞌo tunemminaꞌone’ getaa keemechinaꞌochi macaafooch kooreetone. Illa Nihoo Yeer waanee waayeꞌi ariibeeto bulli ta waan woyemmone.

Mishiraachechinaꞌo 13:40

Ebich keemechinaꞌona ishichaa getteeto ittoshi toommooch bi shagaachemmoyich ittoshi qelloon quyebote:

Mishiraachechinaꞌo 7:36

Biyoo boonoshin yaabiꞌi Gibitsee kichiye; Gibitsaa, Ceelle baharoonaa Siinee barahoonoochaa aabbe naton worganikkiti mooyonaa malletoonon bekkiihe.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Hibireena'o 3:9

Aroochaa ittoshi qaabbechinaꞌo taan phireheete; yeshi beeggoo iyeete. Aabbe naton ta shuuneti shuunoon beeggiyeete.

Yaasi 24:20

Doono Yeerin qayiichi bare nuggisheenaꞌoyich goyinnemmo ittoshi tunegaata, gaawe mooyon ittoshich bi tuniitoyee gubb, wochiree gonde mooyon ittoshi toommooch tuniyemmone; ittoshin aalliyemmone” iye.