Mishiraachechinaꞌo 7:25 - Kafa Linguistics Project

²⁵ Muusiyoo ‘Ta maneenaꞌo Yeeri boonoshin ta kishoona wodiyemmo tunoon shalligii beetinaꞌone’ iꞌi gabiye; tunetaa shalligaaneenaꞌone.

Mishiraachechinaꞌo 7:25 ပူးပေါင်းရင်းမြစ်များ

2 Taateenaꞌo 5:1

Sooriyee taatoochi ginee iraashoo Naꞌimaani Doono Yeeri biinna wudoon Sooriyeenaꞌoyich bi daniitoyich, bi doono aafoochaa gidoon daneti ashoone; wottoo kupphoonaa ginee anaamonane. Tunebaani qeddee shaddee biiyechone.

Shoddo 106:7

No qaabbechinaꞌo Gibitsee showooch beebee, worganikkiti ne shuunoon shalligaaneenaꞌone; wodde ne shoodoon gabaaneenaꞌone; Ceelle baharoochaa ne toommooch tiyiyeete.

Keyo 2:12

Muusiyoo gubb aaf bi ciinaa asho koniyoona aallo bi tunoon bi xiishitoyee gubb, Gibitsee ashoon wuxiꞌi qacee daggooch shicciye.

Maariqoosi 9:32

Tunetaa ebi mooyo boonoshich giyaanoone. Boonoshiyoo wochii biin echoon shattiyeete.

Luqaasi 18:34

Arooba ebi bi gettiti mooyoochee amolla boonoshi mullooch giyaanoone; bi gettiti moochi aafo boonoshich bi aacheetoyich, ebi ama geto gaata ariyaaneenaꞌone.

Luqaasi 9:45

Tunetaa ebi mooyo boonoshich giyaanoone; boonoshich bi aacheetoyich, boonoshi mullooch giyaanoone. Ebich hini mooyon wochii biin echoon shattiyeete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 15:4

Yerusaalem boonoshi shagaa, kittinnee guuphi asheenaꞌo, geeneenaꞌonaa mishiraachechinaꞌona boonoshin iibbiiheete. Hini wocheetinaꞌo Yeeri boonoshina tookkii tuneꞌi bi tuniiti mooyo bullin yibbaateheete.

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 21:19

Phawuloosi boonoshin bi diggiitoyee gubb, bi shuuneti shuunoona Yeeri Aageteenaꞌo daggooch bi tuniiti mooyon yaaroona gettiye.

Mishiraachechinaꞌo 7:24

Boonoshi daggooch bi beetaa, ikke Gibitsee asho Israꞌeelee ashoon bi xuqqii beetaa beeggiꞌi gaachehe; Gibitsee ashoon wuxiꞌi xuqqeeti uroyich nichoon kichiye.

Mishiraachechinaꞌo 7:26

Wotta dechara Israꞌeeleenaꞌochi daggoochee gutteenaꞌo boonoshinaa boonoshina kaaree beetaa beeggiꞌi, yeshi shuniiya iꞌi, ‘Hini asheenaꞌote, manaamanoo ittoshi amoyichiye ittoshi xuꞌee beeto?’ iye.

Roomi 15:18

Aageteenaꞌo Yeerich deꞌa boonoshi gettemmoyich, Kiristoosi bi qaaroonaa bi shuunoona, worganikkiti malletoonaa gaakkechi shuunoonochi giidoona, Yaafe Ayaanee giidoona ta waanaa tuneꞌi bi shuuneti mooyoyee beshe bare amoonolla getoyich aafoon kuppheyaache. Ebich Yerusaalemee tiijjaꞌa Iliriqoonee showooch beddaahaa guuddaꞌa Kiristoosichi mishiraachoon ikkeenolla echiyaanoon gettaa bechito taane.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

1 Qorontoosi 3:9

Ebich Yeerina tookkaa shuunaabeeti bi wochee bushiishoo noone; ittoshiyoo Yeeri gochiibeeti goyee budo ittoshine; ebiyoommon wotta Yeeri haggiibeeti kexo ittoshine.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Qolaasiyaasi 1:29

Kiristoosi taach bi immii beetonaa taanna shuunee bi beeti ooge bi giidoommona ebin ceechoyich oogichaa qiiccaabeeto taane.

Woraaferasheenaꞌo 15:12

Boonoshiyoo biich “And hiniich no waato, neen cuyi Filsixeemeenaꞌoyich beshiiree immane” iyeete. Samsooniyoo “Ittoshi qelloona ittoshi taan wuxaachemmo ittoshi tunoon wogebote” iye.

1 Saameeli 14:45

Aroochee asheenaꞌo Saaꞌoolich “Israꞌeeleenaꞌoyich ebiyoommi worganikkiti wudoon daniiti Yonaataani iberoon qitiba? Ebi tuneyaache; hanaach ebin bi tuniito, Yeerichi gaachoonane. Ebich beeyechi Doono Yeeri beege! Bi qelli eexoocheenolla ikkee showooch hollaachemmine” iyeete. Ebina asheenaꞌo Yonaataanin qitoochee wodiiheete.

1 Saameeli 19:5

Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.