Mishiraachechinaꞌo 6:9 - Kafa Linguistics Project

⁹ Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

Mishiraachechinaꞌo 6:9 ပူးပေါင်းရင်းမြစ်များ

Maatiyoosi 10:17

Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Maatiyoosi 27:32

Yerusaalemee kechiꞌi Simooni getteebeeti Qerenechi uroona daneheete; biinoo “Yesuusichi masqaloon shaage” iꞌi yechiyeete.

Maariqoosi 13:9

“Illa ittoshi qelloon quyebote; nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ta miixoo ittoshi tunemmoyich ta naboyich iraasheenaꞌonaa taateenaꞌonochi aafooch neexemmo ittoshine.

Luqaasi 21:12

“Tunebaani ebi bulliyee shiichiree, ta naboyich ittoshin yechemminaꞌone; duuꞌiyemminaꞌone; Ayihudeenaꞌo kiceebeeti kechi nallechinaꞌoyich ittoshin beshiiree immemminaꞌone; boonoshiyoo ittoshin cuchiyemminaꞌone; taateenaꞌonaa iraasheenaꞌonochi aafoochoo ittoshin neechemminaꞌone.

Mishiraachechinaꞌo 11:20

Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 13:45

Tunetaa hini kiceeti dofee asheenaꞌon Ayihudeenaꞌo beeggiꞌi oogichii qanaateheete; naageebee, “Phawuloosi gettiti qaaro tato toonoone” iyeete.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 15:41

Biyoo Sillaasina tookkii kittinnee guuphinaꞌo kiceebeeti xaaꞌoo bulliich hammii shaggii boonoshin kupphiibee, Sooriyee showoonaa Kiliqee showoonon beshee beehe.

Mishiraachechinaꞌo 16:6

Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 18:24

Arooba Iskindiri katemooch shiijjeti, Aphiloosi getteebeeti ikke Ayihudo Efesoon hammiye. Biyoo yibbaatoyich kuppho, Yaafe Macaafoonoo xiishii ariiti uroone.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 19:26

Tunebaani hini Phawuloosi ‘Ashi kishoona shuuneeti malleteenaꞌo nuggisheenaꞌo tooneenaꞌone’ ii beetone; Efesooni katemooch baach tuneyaanoon giisheche katemoyee besh, Isiyee showoo bulliich beeti meeti asheenaꞌo bi yibbaatoon iberoo tuniiꞌi boonoshi muricon beeggiibeeto, waayeenoo beeto ittoshine.

Mishiraachechinaꞌo 21:27

Asheenaꞌo xallemmi shabaatte qemo ceenn beddaahaa, Isiyee showoochee waati Ayihudeenaꞌo Phawuloosi yaafee kexooch bi beemon beeggiꞌi, asheenaꞌo bullin haachishii Phawuloosi toommooch tiijjiꞌi biin yechiyeete.

Mishiraachechinaꞌo 21:39

Phawuloosi wochiꞌi, “Ta Ayihudee yaroo, wotta Kiliqee showooch beeti, aricheti Xeriseesi katemooch shiijjeti asho taane. Hini asheenaꞌoyich ta gettemmoyich taach daaggibe” iꞌi qollehe.

Mishiraachechinaꞌo 22:19

“Tawoo wochaꞌa, ‘Ta Doonocho, Ayihudeenaꞌo kiceebeeti kexo bulliich hammaabee, boonoshi mulloon ne toommooch tooꞌii beetinaꞌon ta cuyonaa ta xoobonon arii beetinaꞌone;

Mishiraachechinaꞌo 22:3

“Ta Kiliqee showooch beeti Xeriseesi katemooch shiijjeti Ayihudo taane; Gamaleel waanee no qaabbechinaꞌochi sheeroon doyaabee hini Yerusaalemiyee ta dicceto; sheeroon manjii ariiꞌa, hanaach ittoshi bulli tunii beetoommon Yeerich ta mulloochee tiijjaꞌa hajjeebeeti uro taane.

Mishiraachechinaꞌo 23:34

Iraashoo Filikisi koorichoon bi shemmetoyee gubb, “Amee showee asho neene?” iꞌi echehe. Kiliqee asho bi tunoon bi ariitoyee gubb,

Mishiraachechinaꞌo 24:18

Xallaꞌa tiyaa yaafee kexooch giyaꞌa, ebin ta tuniyaa beetaa shaggiyeetani, asheenaꞌon kicaano taane; boonoshi dullemmoyich tuniyaano taane.

Mishiraachechinaꞌo 26:11

Meeti areddoon Ayihudeenaꞌo kiceebeeti kexo bulliich deebaa sheeraabee, Yesuusin boonoshi nookkemmoyich qiiccaa beehoye. Oogichaa kaaraꞌa Ayihudee showoyee maach tuneti katemeenaꞌooch beddaahaa hammaꞌa boonoshin duꞌii beehoye” iye.

Mishiraachechinaꞌo 6:10

Tunetaa bi gettiibeeti ariyoonaa Ayaanoonon habbiyoon hakkaaneenaꞌone.

1 Qorontoosi 1:20

Illa shalligecho aaye? Muusichi Sheeree dojjecho aaye? Hini yemeenee ariyechi gajjiteyecho aaye? Yeeri alemee shalligoon tuushoo tuniyaanoone?

Galaati 1:21

Aroyee gubb Sooriyee showoonaa Kiliqee showoonooch hammoye.