Mishiraachechinaꞌo 6:7 - Kafa Linguistics Project

⁷ Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 6:7 ပူးပေါင်းရင်းမြစ်များ

2 Kiinoo 29:34

Qeesheenaꞌo micciibeeti deejjoon gaxxoyich giishecheenaꞌo boonoshi tunetoyich, shuunoo ciiremmi wottoon, wotta bare qeesheenaꞌo boonoshi qelloon yaafimmi wottoon, boonoshi maneenaꞌo tuneti Leweenaꞌo boonoshin gaacheheete. Ebiyoo Leweenaꞌo boonoshi qelloon xalliyoona qeesheenaꞌoyee boonoshi beshitoyichiye.

2 Kiinoo 30:24

Yihudee taatoo Hiziqiyaasi hume wuronaa shabaatte hume bagoonon iitoyich immiye. Iraasheenaꞌoo ebiyoommon hume wuronaa aashire hume bagoonon immiyeete; meeti qeesheenaꞌo boonoshi qelloon yaafiyeete.

Shoddo 132:16

Bi qeesheenaꞌoyichoo wodoon tajjemmo taane; yaafeeti bi asheenaꞌoo ililemminaꞌone.

Shoddo 132:9

Ne qeesheenaꞌo cadiqoon tahebeete; yaafeeti ne asheenaꞌo ililibeete.

Maatiyoosi 19:30

Tunebaani shiichitinaꞌo getteeti meetinaꞌo gubbemminaꞌone; gubbetinaꞌo getteeti meetinaꞌo shiichemminaꞌone” iye.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Yowannisi 12:42

Arooba Ayihudee ukkireenaꞌo daggoocheenolla meetinaꞌo boonoshi mulloon Yesuusi toommooch tooꞌiiheete; tunebaani Fariseenaꞌo Ayihudeenaꞌo kiceebeeti kexoochee boonoshi yoohaachemmoyich, xalla kichii getaaneenaꞌone.

Mishiraachechinaꞌo 12:24

Aroochee Yeerichi qaaro gaminnii gaminnii hammiye.

Mishiraachechinaꞌo 13:8

Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.

Mishiraachechinaꞌo 19:20

Ebiyoommi gommona Doonochi qaaro gaminnii, wudoonoo danee hammiye.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Galaati 1:23

Tunebaani “Ebiyee aaf noon duꞌiiti uro, aalliiya bi iiti Yesuusichi mishiraachoon and ashich gettii beete” getaa bi getteyoon waayeheete;

Galaati 6:10

Illa no hakkimmi aabo bullin asho bullich, ebiyeenoo boonoshi mulloon Yesuus Kiristoosi toommooch tooꞌiiꞌi ikke kechi ashoon tunetinaꞌoyich, gaawe mooyon tuniibone.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.