Mishiraachechinaꞌo 6:3 - Kafa Linguistics Project

³ Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Mishiraachechinaꞌo 6:3 ပူးပေါင်းရင်းမြစ်များ

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Isiyaasi 28:26

Bi Nuggishoo biin bi dojjitoyich tate mooyon arii beetone.

Isiyaasi 28:6

Nallee gabberooch kotetoyich kaachii nallee ayaanoon, katemee uxeree kelloon ginoochee quyee beetinaꞌoyich hakkoon immemmone.

Maatiyoosi 23:8

“Tunebaani ittoshi dojjecho getaa ceekkeyaahote. Ittoshich ikke Dojjecho baach bi beetoyich, ittoshi bulli ikke manoo ittoshine.

Yowannisi 21:23

Ebich “Are bi dabboo qitaachemmone” immi woroo maneenaꞌo waan waayeehe; tunebaani Yesuusi “Wottaꞌa ta waammi wottoon bi beeyemmoyich ta shuni gaatochi, neen amo qaaqqiye?” iyalli, “Qitaachemmone” getaanoone.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 1:21

Ebich no daggooch bacceeree, Yesuusi qitoochee bi timon miixemmi ikke ashoon kaacone; biyoo Yowannisi aacona afaalloochee tiijjiꞌi, Doono Yesuusi shimaajj bi kechiti aabooch beddaahaa, no daggooch bi shaꞌeti areddoo bulliich noonna tookkii beeti asheenaꞌo daggoochee ikkoo tuno qaawiihe” iye.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Mishiraachechinaꞌo 15:23

Kooreeti koorichoon boonoshi kishoona daachiiheete; are koorichooch kooreeto ishichii beetone: “Mishiraachechonaa kittinnee guuphi geenoona tuneti ittoshi manoo no, Antsook, Sooriyee showoonaa Kiliqee showoonooch beeti Aagetee asho tuneti kittinnee maneenaꞌon diggoo ii beeto noone.

Mishiraachechinaꞌo 16:2

Ximootiyoosi Lisxirinaa Iqooniyooninooch beeti kittinnee maneenaꞌona naadeetone.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 22:12

“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone.

Mishiraachechinaꞌo 28:14

Aroochaa kittinneenaꞌona tookkaa danehon. Boonoshiyoo “Shabaatte qemi wottoon no waan kotebote” iꞌi noon qolleheete. Aroochee wotta Room hammehon.

Mishiraachechinaꞌo 6:2

Arooba aaraa gutte mishiraachechinaꞌo Yesuusichi dabbeenaꞌo bullin ceeggiꞌi ishichiyeete: “Yeerichi qaaroon asheenaꞌoyich dojjoon qayiichi maayoon qoodooch no gimo tato toonoone.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

Mishiraachechinaꞌo 6:6

Eboshin mishiraachechinaꞌo aafooch deebii neechiyeete. Mishiraachechinaꞌo hini are kaacceti asheenaꞌoyich boonoshi corootitoyee gubb, kishoon boonoshi toommooch kotiiheete.

Mishiraachechinaꞌo 9:30

Arooba maneenaꞌo ebin ariiꞌi Qesaariya daammiyeete; aroochee Xeriseesi daachiiheete.

1 Qorontoosi 12:8

Yaafe Ayaano ikke kittinnoyich shalligee yibbaatee hakkoon immiye; wotta are Yaafe Ayaano ariyee yibbaatee hakkoon baroyich immiye.

1 Qorontoosi 16:3

Eechi ittoshi beetaa, ta waahooba, gibeneetinaꞌone iꞌi ittoshi kaaccimmi asheenaꞌona are ittoshi gijjee wojjoon koorichoona tookkiree Yerusaalem daachiyemmo taane.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yibbaatoo 1:13

Ittoshi yoodi yoodoochee yiiteenaꞌon, shalligechinaꞌonaa aricheti asheenaꞌonon kaacote. Tawoo boonoshin ittoshi toommooch ukkiriyemmo taane’ iyoye.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

3 Yowannisi 1:12

Demexiroosich ashoo bulli miixee beetone; iberoo bi qelloona miixee beetone. Nowoo wotta miixaabeeto noone; no miixeti miixoo iberoo bi tunoon ariibeeto neene.