Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mishiraachechinaꞌo 6:1 - Kafa Linguistics Project

1 Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

အခန်းကိုကြည့်ပါ။ ကော်ပီ




Mishiraachechinaꞌo 6:1
38 ပူးပေါင်းရင်းမြစ်များ  

Qitiya iti asheenaꞌo boonoshin ta gaachetoyich, taan diiritinaꞌone; xuumeenaꞌo emiroona boonoshi shoddemmoyich tuniito taane.


“Girecho qolletaa bajjeto ta gaata, xuumeenaꞌo aafo yaamemmoyich tuniito ta gaata,


Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.


Showoo bulliich maayo oogichi woddebe; gocheti maayo guudinaꞌo toommoochaa yaaddebe. Libanoosi guudeexi maayoochoommon aafebe; katemooch beetoo gaddeexi mocoochoommon hubbimibe.


Deꞌe mooyon shuunoon doyibote; dayinnetoon qaawibote; xukketon wodiibote; nihaalleenaꞌoyich neexebote; xuumeenaꞌoyichoo taggebote” iye.


Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.


Boonoshi waanee galletee shoddoonaa emiree ililoona waayeyemmone. Boonoshin meechemmo taane; boonoshiyoo shappaachemminaꞌone; ta boonoshin oogiyemmo taane; boonoshiyoo giisheyaachemminaꞌone.


Ne daggoochaa indeenaa nihoona qallayeeheete; ne daggoochaa dallaaweenaꞌo xukkeheete; ne daggoochaa nihaalleenaꞌonaa xuumeenaꞌona duꞌeheete.


“Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.


“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.


Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.


qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.


Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.


Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.


Boonoshi showoonaa boonoshi hajjitonon kemmiꞌi, ashich qaawiitoommon qoodii beeheete.


Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.


boonoshi imaa, mishiraachechinaꞌo gijjaalleenaꞌoyich bechiꞌi boonoshi qoodii beetoyichiye.


Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.


Boonoshi mulloon Doono Yesuusi toommooch tooꞌiiti meeti anaaminaꞌonaa maacheenaꞌona aafichoyee beshoon Yesuusichi asheenaꞌo daggooch daakkeeheete.


“ ‘Hini ittoshi ceeggiibeeti shigoona asheenaꞌoyich dojjiyaahote’ iyaꞌa manjaayaa ittoshich getaano noone? Ebiyoche, Yerusaalem beetinaꞌo bullich bechitote. Are uroochi damee naboona no echeyemmoyich tuniiya qaawiibeeto ittoshine” iye.


Arooba aaraa gutte mishiraachechinaꞌo Yesuusichi dabbeenaꞌo bullin ceeggiꞌi ishichiyeete: “Yeerichi qaaroon asheenaꞌoyich dojjoon qayiichi maayoon qoodooch no gimo tato toonoone.


Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.


Wotta Giriikee noonoon ariibeeti Ayihudeenaꞌoyich gettii boonoshina tookkii gajjitee beehe; tunetaa biin wuxiya qaawiyeete.


Bekkech Pheexiroosi tiyiꞌi, boonoshina tookkii waahe. Waa bi shaggimmona, asheenaꞌo kechi toommeexi kexooch biin daammiyeete. Xuume maacheenaꞌo bulli eefeebee, Doriqi kashoona beebee boonoshich bi shuuneti qamisoonaa bare tahoonon kichiꞌi yaachii Pheexiroosich bekkiibee bi guudoona neexeheete.


Biyoo bi kishoona yechiꞌi tiijjii neechiye; xuume maacheenaꞌon bare kittinneenaꞌona tookkii ceeggiꞌi, “Ebiyoche, kashechine” iꞌi boonoshich bekkiihe.


Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.


Boonoshichoommon guruuxaayone; boonoshi daggoochee ikkikkeenaꞌo guruuxaa, aalliyecho kindiꞌi boonoshin aalliitone.


Hibiree shiijjereenaꞌone? Tawoo wotta Hibiree shiijjeroo taane. Israꞌeelee yoodeenaꞌone? Tawoo wotta Israꞌeelee yoodo taane. Abrahamichi yareenaꞌone? Tawoo wotta Abrahamichi yaroo taane.


Muusi Israꞌeeleenaꞌoyich ishichiye: “Keejj keejjinnee natooba, ne maayoochee asraatoon ne kichitoyee gubb, maaree boonoshi michemmoyich, ne katemeenaꞌooch koteti Lewee asheenaꞌoyich, shiqqeenaꞌoyich, nihaalleenaꞌonaa xuumeenaꞌonoyich imbe.


Ta shiijjeti shimitte qemona dokireeto, Israꞌeelee shiijjeroochee tuneto, Biiniyaami yoodo, Hibireenaꞌo daggeexi Hibiroo taane. Ayihudee sheeree doyeechon ittoshi echegaata, Farisoo taane.


Xuumeenaꞌochi shigoon yechiibeeti mazgabooch bi shigoon kobereyemmi maachechi eeno shiche natoyee shappaaye; ebiyee wotta ikke kenoon baach shaaggeti tunebuye.


Ittoshinaa ittoshina manaamanoochoommon shunoona beebote.


Nihoo Yeer waanaa xalloo tuneti ibere goyinno ebine: Nihaalli bushiisheenaꞌonaa xuume maacheenaꞌonochi iritoon gaacho, hini alemooch beeti tiyaariibeeti mooyoocheenoo bi qelloon quyoone.


Yaafe Macaafoochaa “Yeeri no mullooch bi kotiiti Yaafe Ayaano qanaatoona qaatii beetone” getaa kooreeto duuboon getteeto ittoshich shaahii beete?


Ta maneenaꞌote! Yeeri ittoshi toommooch bi nallaachemmoyich, ittoshinaa ittoshina guruuxiyaahote. Ebiyoche, nallecho kelletooch katinniꞌi neexetone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ