Mishiraachechinaꞌo 5:31 - Kafa Linguistics Project

³¹ Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Mishiraachechinaꞌo 5:31 ပူးပေါင်းရင်းမြစ်များ

Shoddo 89:19

Gibeneeti ne guunoyich wonna ishichaꞌa yaaꞌoona getteto neene: “Ikke ginee anaamon gaachehoye; asheenaꞌo daggoochee ta kaaccetoyich oogoon immehoye.

Shoddo 89:24

Ta gibeneyoonaa ta shoodoona biinna tookki tunemmone; ta shigoona kaama kaama ciixemmone.

Isiyaasi 43:11

Ta, Doono Yeeri taane; tayee besh wodiyecho aalloone.

Isiyaasi 43:3

Israꞌeelee Yaafoo ne Nuggishoo Doono Yeeri ta, neen Wodiyecho taane; neen biishoyich Gibitsin immemmo taane; ne qoodoyich Topphiyoonaa Seebinon immemmo taane.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Hiziqeeli 34:24

Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maariqoosi 2:10

Tunetaa Ashi Bushoo hini showee toommoochaa axaaxoon maaroyich hakkoo biich beemon ittoshi ariyemmoyich” iꞌi,

Luqaasi 2:11

Hanaach Daawiti Katemooch Wodiyecho ittoshich shiijjetone; biyoo Kiristoosi getteeti Doonone.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 4:42

Ureyichoo “And no mulloon bi toommooch no tooꞌiito, ne noonoochee no waayetoyich toonoone; no qelloona no bi noonoochee waayaꞌa, iberoon alemooch beetinaꞌo bullin Wodiyecho bi tunoon no ariitoyichiye” iyeete.

Mishiraachechinaꞌo 11:18

Ebi Ayihudeenaꞌo ishin waayeꞌi ittibatoon qajjiyeete. Ebiyee “Illa Yeeri Aageteenaꞌo wotta kashoon boonoshi danemmoyich, axaaxee gommoochee Yeer waan wottemmi mulloon boonoshich immitone” iibee Yeerin oogiiheete.

Mishiraachechinaꞌo 13:23

“Wotta ‘Hini uroochi yaroochee Israꞌeeleenaꞌoyich wodiyecho tunemmo kechemmone’ iꞌi bi gibenikkiti gibenoona Yesuusi waatone.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 3:15

Kashee Shimboon wuxiihote. Tunetaa biin Yeeri qitoochee tiijjiye. Hini mooyoyich no miixoo noone.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Mishiraachechinaꞌo 3:26

Yeeri bi Bushoon kaacciꞌi, ittoshi ikkikkoon gonde ittoshi shuunoochee bi wochoona bi diiremmoyich, shiichiꞌi ittoshich deejjitone” iye.

Mishiraachechinaꞌo 4:11

‘Gimbenyoo ittoshi hoxee duppito, kexon deggii neechiti, giimbee guummon tuneti xaqqoone.’

2 Qorontoosi 2:10

Illa ittoshi maariti ashoon tawoo wotta maarito taane; ta maaremmi mooyo amolla bi beegaata, ittoshicha iyaꞌa Kiristoosi aafooch maarito taane.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Filipphisiyoosi 3:20

Tunebaani no beeyemmi xaaꞌoo shimaayoochiye. Aroochee woyemmi Wodiyecho, biyoo Doono Yesuus Kiristoosin quyaabeeto noone.

Qolaasiyaasi 1:14

Nowoo ebi bi Bushoona biisheeto noone; ebi getoo no axaaxoyich maaroon daneto noone.

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 1:11

Ebina no Doononaa noon Wodiyechonon tuneti Yesuus Kiristoosichi bulli yemeenee taatittineech gimi hakkoo ittoshich ichemmone.

2 Pheexiroosi 2:20

No Doononaa noon Wodiyechona tuneti Yesuus Kiristoosin ariiꞌi, hini alemee eeꞌe shuunoochee boonoshi kechitoyee gubb, wochinnoon are eeꞌe shuunoona olleeꞌi boonoshi yechegaata, aafi boonoshi beemoyee beshoon gubbi beemo sheeqqito tunemmone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,