Mishiraachechinaꞌo 5:3 - Kafa Linguistics Project

³ Tunetaa Pheexiroosi ishichiye: “Hanaano, Yaafe Ayaanoyich kootiree showoon ne kemmeti gijjoochee ne qellich ne echiyemmoyich Sheexaanoon ne mullooch aakka giijjinne?

Mishiraachechinaꞌo 5:3 ပူးပေါင်းရင်းမြစ်များ

Iyoobi 22:13

Tunebaani ne, ‘Yeeri amoon ariihe? Dunne manderooch tuneechi bi nallemmo, aabichireeshiye?

Shaahiyoo 20:25

Asho afaafinoona Doono Yeerich bi mookketoyee gubb, bi gaabbigaata, biich shaachoone.

Dojjecho 5:4

Yeerich mookkoon ne mookkegaata, ceechaanoon yagiyaahine! Yeeri mullaalli ashoona emiraano bi tunetoyich, ne mookkoon ceechibe!

Isiyaasi 29:15

Boonoshi yameti yamoon Doono Yeer waanee aachiya qaawii beetinaꞌoyich, “Noon beeggesho konine? No shuunaa beeton ariyesho konine?” getona manderoon deebeꞌi aashoona shuunee beetinaꞌoyich, woowo!

Erimiyaasi 23:24

Asho bi qelloon aashe xaaꞌooch bi aachigaata, ta biin beegaachehote?” iye Doono Yeeri. “Showoonaa shimaayoonooch ceenneto toono taane?” iye Doono Yeeri.

Hosee'i 11:12

Doono Yeeri ishichiye: “Efreemi kootoona, Israꞌeelee yareenaꞌoo maroona taan giichiyeete. Yihudi, Nuggishoyich hajjeyaano, gibeneeti Yaafe Nuggishoon shixxii beetone.

Haddoo 30:2

Asho Doono Yeerich mookkoon bi mookkegaata woyee wogoon bi giyigaata, bi heciyoon shaddaaye. Bi noonoochee kechitoommon bullin tuniibe.

Maatiyoosi 13:19

Yeerichi taatittinee qaaroon waayeꞌi shalligaano bulli toommooch gondoochi nihoo woyemmone; boonoshi mullooch shookketi qaaroon maciree daammemmone; eboshi gommi gashooch holliti yaroomminaꞌone.

Luqaasi 22:3

Arooba aaraa gutte Yesuusichi dabbeenaꞌochi daggeexi ikkoo Asqorootechi Yihudichi mullooch Sheexaanoo ceenniye.

Yowannisi 13:2

Yesuusinaa bi dabbeenaꞌona gifiroon maa beeheete; daabiloosiyoo shiichiꞌi Asqorootechi Simoonichi bushoo Yihudi Yesuusin beshiiree bi immemmoyich gonde shalligoon bi mullooch giijjitone.

Yowannisi 13:27

Yihudi bi qapphetoyee gubb bekkech Sheexaanoo bi mullooch giyiye. Arooba Yihudin Yesuusi “Shuuneya ne gabiton kaateree shuunebe” iye.

Mishiraachechinaꞌo 5:2

Hini are showoo kecheti gijjoochee bi mechee arii beetaa, bi qellich qoodii echiichii, eche gijjoon deebii mishiraachechinaꞌoyich immiye.

Mishiraachechinaꞌo 5:4

Kemaani ne beehooba, showoo ne hajjoo toone? Ne kemmetoyee gubb, gijjoo ne bullo toone? Ebiyoommi mooyon amoyich ne mulloona gabinne? Yeerichalli, ashich kootaano neene” iye.

Mishiraachechinaꞌo 5:9

Aroochee Pheexiroosi “Doono Yeerichi Ayaanoon dawushoyich aakkiya ikkottehote? Ebeege, ne kenoon duukkiti asheenaꞌo shaggitinaꞌone; neenoo wotta kichiree duukkemminaꞌone” iye.

Yibbaatoo 23:21

“Ne Nuggishoo Doono Yeerich ne mookkegaata, ne Nuggishoo Doono Yeeri ebin ne waanee qaawiibeeto bi tunetoyich, ne mookketon ceechaanoon yagiyaahine. Ne ceechoo qayigaata, ebi neech axaaxoon tunemmone.

Yaaqobi 4:7

Illa Yeerich hajjeebote; daabiloosinoo koyebote; biyoo ittoshi waanee wokkemmone.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.