Mishiraachechinaꞌo 5:12 - Kafa Linguistics Project

¹² Mishiraachechinaꞌochi kishoona meeti worganikkiti malletoonaa gaakkechi shuunoona asheenaꞌo daggooch tunee beehe. Bulli ikke mulloona tuneꞌi, Solomoonichi Genje Gaaddaafooch kicee beeheete.

Mishiraachechinaꞌo 5:12 ပူးပေါင်းရင်းမြစ်များ

Erimiyaasi 26:9

‘Shiloohi katemee toommooch tunetoommo hini Yeerichi yaafee kexooch tunemmone; hini katemoo shokkoonaa onoonon tunemmone’ iyaꞌa Doono Yeerichi shigoona amoyich keemoon keemmenne?” iyeete. Asho bulliyoo Doono Yeerichi yaafee kexoochaa kiceeꞌi Erimiyaasi toommooch tiyiye.

Maariqoosi 16:20

Boonoshiyoo kechii bulli xaaꞌooch hammiꞌi Yesuusichi wochoon gettiyeete. Hammii boonoshi beetaa, Doono boonoshin gaachee beehe; bi immiibeeti malletoona boonoshi gettiibeeti qaaroon manjii beehe.]

Yowannisi 10:23

Yesuusi yaafee kexooch beeti Solomoonichi Genje Gaaddaafoona shaꞌee beehe.

Yowannisi 4:48

Ebich Yesuusi “Worganikkiti malletoonaa gaakkechi shuunoonon ittoshi beego qayigaata, ta toommooch mulloon cir tooꞌiyaachote!” iye.

Mishiraachechinaꞌo 1:14

Eboshi bulli genneenaꞌonaa Yesuusichi indee Maariyamina tookkii, wotta Yesuusichi maneenaꞌona tookkii bulli aaboon ikkottee kiceeꞌi corootii beeheete.

Mishiraachechinaꞌo 14:3

Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe.

Mishiraachechinaꞌo 16:18

Ishichaabee meeti aaboon noon dabbaa cookaa beehan. Tunetaa Phawuloosi iriteechii, gubb wotteꞌi, bushee toommooch beeti ayaanoon “Yesuus Kiristoosichi shigoona neen calleto taane; hini bushee toommoochee tibe” iye. Are ayaanoo bekkech bushee toommoochee tiyiye.

Mishiraachechinaꞌo 19:11

Yeeri oogeton worganikkiti gaakkechi mooyon Phawuloosi kishoona bekkii beehe.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 28:9

Aroochee are buure showooch beeti bare biiyechinaꞌo waaꞌi wodiyeete.

Mishiraachechinaꞌo 3:11

Hini are woditi uro “Ittoshi hilloochee kuxeyaache” iꞌi Pheexiroosinaa Yowannisinon yechii bi beetaa, asheenaꞌo bulli oogichii worganeebee, Solomoonichi Genje Gaaddaafoo getteebeeti xaaꞌooch wocona waaheete.

Mishiraachechinaꞌo 4:30

Ashoon wodiyoyichoo ne kishoon yaggiree, yaafe ne Bushoo Yesuusichi shigoona worganikkiti malletoonaa gaakkechi shuunoonon shuunebe” iꞌi corootiyeete.

Mishiraachechinaꞌo 9:33

Are xaaꞌooch ashittinoon wuxiibeeti biiyoona shimitte naton beerooch qeyiꞌi beeti, Eeniyi getteebeeti ikke uroon danehe.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.

2 Qorontoosi 12:12

Ibere mishiraachecho ta tunoon bekkiibeeti mooyinaꞌo ittoshi waan ta beehooba, ooge haaꞌiyoona ta ceechiti shuuneenaꞌone; eboshiyoo worganikkiti malletoo, gaakkechi shuunoonaa giidechi mooyonane.

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.