Mishiraachechinaꞌo 4:36 - Kafa Linguistics Project

³⁶ Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Mishiraachechinaꞌo 4:36 ပူးပေါင်းရင်းမြစ်များ

Maariqoosi 3:17

“Baarinegeesi woyee Xeeyee Bushiishoo” iꞌi bi shigiiti Zebidiyoosi bushiisheenaꞌo Yaaqobinaa Yowannisina,

Mishiraachechinaꞌo 11:30

Gijjoon kiciꞌi, “Barnabaasinaa Sawulina kishoona kittinnee guuphi geeneenaꞌoyich shage” iꞌi daachiiheete.

Mishiraachechinaꞌo 12:25

Barnabaasinaa Sawulina boonoshi wocheeton bechiꞌi, Yerusaalemee Antsooka Maariqoosi getteebeeti Yowannisin yechiꞌi wotteheete.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 13:4

Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 15:37

Barnabaasiyoo Maariqoosi getteebeeti Yowannisi boonoshina tookki bi hammemmoyich qaawiye.

Mishiraachechinaꞌo 15:39

Ebich kaareꞌi shaceheete. Aroochee Barnabaasi Maariqoosin yechii markaboona Qoophiroos hammiye.

Mishiraachechinaꞌo 21:16

Qesaariyee kittinneenaꞌo daggoochee ikkikkeenaꞌo noonna tookkii hammiyeete; boonoshiyoo arooch no kashemmoyich, Qoophiroosechi Minasooni kexooch noon daammiyeete; biyoo shiichiꞌi Yesuusichi dabboo tunetinaꞌo daggoochee ikkoone.

Mishiraachechinaꞌo 21:3

Qoophiroosin ciinnaabee, aroon no yooche badd duppaachaa Sooriyee showooch hammehon; markabooch minjeeti qiico Xiroos kindemmo bi tunetoyich arooch hammehon.

Mishiraachechinaꞌo 27:4

Aroochee tiyaꞌa yongo no toommooch bi yongetoyich, Qoophiroosina degeebee no gommon yechehon.

Mishiraachechinaꞌo 9:27

Tunetaa Barnabaasi Sawulin daammiꞌi, mishiraachechinaꞌo waan shakkiihe. Aroochee Doono Yesuusin gommoochaa bi beegonaa Doono biich bi getonon, wotta Damaasiqi katemooch aafoon kuppheꞌi Yesuusichon bi getonoo gettiye.

1 Qorontoosi 14:3

Tunebaani keemoon keemmiibeeto ashoon eenniyoyich, kupphiyoonaa goggiyoonoyichiye bi gettiibeeto.

1 Qorontoosi 9:6

Woyee no hajjee kishoona shuunoon qajjiichii kittinneenaꞌona degeyoo taannaa Barnabaasinoyich baachiye bi bacheto?

Galaati 2:1

Aroochee aaraa awudde natoyee gubb Barnabaasina tookkaa Titoosin yechaꞌa Yerusaalem guttinnoon hammeho.

Galaati 2:13

Echeti Ayihudee kittinneenaꞌo, bi shuuneti mooyo tato tunee qayon ariibee biinna tookkii ikkotteheete; wotta Barnabaasinolla boonoshi waan wochii gaꞌiiheete.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Qolaasiyaasi 4:10

Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.