Mishiraachechinaꞌo 4:28 - Kafa Linguistics Project

²⁸ Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

Mishiraachechinaꞌo 4:28 ပူးပေါင်းရင်းမြစ်များ

Halloo 50:20

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.

Iyoobi 12:13

“Shalligoonaa giidoona Yeerichone; ciicoonaa goomona biichone.

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 14:24

Beshe Mawe Doono Yeeri ishichii wogetone: “Ta gabitoommon tunemmone; ta maaccetoommonoo shuunooch heechemmone.

Isiyaasi 28:29

Ebi bulli mooyo bi waabeeto, Beshe Mawe Doono Yeer waaneeniye; biyoo ciicoona worganeeto, shalligoonoo beshoone.

Isiyaasi 37:26

“ ‘Xaqqee uxerechi katemeenaꞌon happiree, xaqqee gutoo ne tuniyemmoyich ta tuniyoon, ebin meeti aaboyee shiichaꞌa ta maacon, wonnee yemeenooch ta gaboon, hanaach shuunee toommooch ta heechiyoon, waayeyaano neene?

Isiyaasi 40:13

Doono Yeerichi Ayaanoon ariito, woyee mikkirechon tuneꞌi biich dojjito konine?

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Isiyaasi 5:19

“No beeggemmoyich Doono Yeeri tuniiya bi gabiton kaate tuniibe; no ariyemmoyich Israꞌeelee Yaafoo yameti yamo kaate wobe” ii beetinaꞌoyich woowo!

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Maatiyoosi 26:24

Ashi Bushoo biicho bi kooreetoommon, qitemmone; tunebaani Ashi Bushoon beshiiree immemmi are uroyich woowo! Are uro shiijjeyaanoon bi dooggito gaata, biich gaawiye” iye.

Maatiyoosi 26:54

Ishigaata, Yaafe Macaafoochaa ‘Ebi tunemmone’ getteeto aabichiree ceennehe?” iye.

Luqaasi 22:22

Ashi Bushoo shiichiꞌi bi maaccetoommon qitemmone; tunebaani biin beshiiree immemmi are uroyich woowo!” iye.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 3:18

Tunetaa Yeeri Kiristoosi xuuxoon beeggemmoyich, shiichiꞌi keemechinaꞌo bulli noonoona bi gettiton hini gommona ceechitone.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Hibireena'o 6:17

Ebich Yeeri gibenikkiti mooyon danemminaꞌoyich, bi gabiti gaboon shaddaachemmo bi tunoon xalla bekkiiya bi qaawitoyich, bi gibenikkiti gibenee toommooch wogoon daakkiye.