Mishiraachechinaꞌo 4:17 - Kafa Linguistics Project

¹⁷ Tunetaa batt waayeyaani asheenaꞌo waayeyaachemmoyich, ebiyee damba konichona hini shigoon tiijjiree boonoshi yibbaateyaachemmoyich, miicheree bayone” iꞌi echeeheete.

Mishiraachechinaꞌo 4:17 ပူးပေါင်းရင်းမြစ်များ

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Amootsi 2:12

“Tunebaani ittoshi Naazireenaꞌoyich woyinee uyoon uchiyote; keemechinaꞌonoo ‘Ciroona keemmaahote’ iꞌi bajjiyote.

Maatiyoosi 27:64

Illa bi dabbeenaꞌo waaree bi cahoon boonoshi gaayaachemmoyich, ‘Qitoochee tiyitone’ getiree boonoshi getaachemmoyich, ‘Oppo keejje qemooch beddaahaa quyeebe’ gete. Ebi tuno qayigaata, gubbi muriciyoo aafichoyee beshoon gondemmone” iyeete.

Maatiyoosi 9:30

Boonoshi aafoo qecheetaa ciinniyeete. Yesuusi “Konicholla gettaahote” iꞌi manjiiꞌi gettiye.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Mishiraachechinaꞌo 4:21

Ayihudee nallechinaꞌo Pheexiroosinaa Yowannisinon manjii miicheechii biichiyeete. Miicheꞌi boonoshi biichito, tuneti mooyona asheenaꞌo bulli Yeerin boonoshi oogii beetoyich, boonoshi nallemmi gommon mucceꞌiniye.

Mishiraachechinaꞌo 5:24

Yaafee kechi kellechinaꞌochi ukkiroonaa qeeshee ukkireenaꞌona hini mooyon waayeꞌi, “Hini mooyo gubb amo bi tunemmo gaata ariyaachone” iibee boonoshi gettemmi mooyon mucceheete.

Mishiraachechinaꞌo 5:28

“ ‘Hini ittoshi ceeggiibeeti shigoona asheenaꞌoyich dojjiyaahote’ iyaꞌa manjaayaa ittoshich getaano noone? Ebiyoche, Yerusaalem beetinaꞌo bullich bechitote. Are uroochi damee naboona no echeyemmoyich tuniiya qaawiibeeto ittoshine” iye.

Efesooni 6:9

Dooninaꞌote, miichoon qayiichi, ittoshi guuninaꞌoyich ebiyoommi mooyon tuniibote. Boonoshinaa ittoshinon hajjiibeeti Doono shimaajj bi beemon, ashoon heppaanoon nalliibeeto bi tunoonoo ariibeeto ittoshine.

1 Tasaloonqi 1:8

Doono Yesuusichi mishiraachee qaaro ittoshi waanee tiyiꞌi bi shaggito, Makidoonee showoonaa Akaayee showoonooch baach tuneyaanoon, Yeeri toommooch ittoshi mullee tooꞌiyoo bi waayeeto bulli xaaꞌooch beeti asheenaꞌoyichiye. Ebich ittoshichon no gettemmi bare mooyo amolla aalloone.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.