Mishiraachechinaꞌo 4:13 - Kafa Linguistics Project

¹³ Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 4:13 ပူးပေါင်းရင်းမြစ်များ

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 26:71

Ishichiꞌi tiyii kecha kellooch bi hammimmona, bare shaajjetee ciinnaꞌa arooch beetinaꞌoyich “Hini uro Naazireetechi Yesuusina tookkii beetone” iyan.

Maatiyoosi 26:73

Giishechoon yiccimiꞌi arooch neexee beetinaꞌo bi waan giddeꞌi, “Ne yibbaatoona arichaa beetine; iberoon ne boonoshi daggeexo neene” iyeete.

Luqaasi 22:8

Yesuusiyoo Pheexiroosinaa Yowannisinon “Beshee Baaree maayoon no maayemmoyich hamiree nooch qanniibote” iꞌi wochehe.

Yowannisi 19:26

Wotta bi indeenaa bi dabbeenaꞌo daggoochee bi shunniti ikkoona bi gaꞌooch neexee beetinaꞌon beeggiꞌi, bi indeen “Ta indeene, ebi ne bushoone” iye.

Yowannisi 7:15

Ayihudee ukkireenaꞌo “Asho biich dojjaanoon, hini uro eboshi bullin aabichiꞌi ariihe?” iꞌi worganee beeheete.

Yowannisi 7:49

Tunebaani Muusichi Sheeroon ariyaani hini maccoo Yeerina uppetone” iꞌi wochiyeete.

Mishiraachechinaꞌo 4:14

Wotta hini are woditi uro Pheexiroosinaa Yowannisina tookkii neexee bi beetaa beeggiꞌi, boonoshi gettemmon mucceheete.

Mishiraachechinaꞌo 4:19

Tunetaa Pheexiroosinaa Yowannisina wochiꞌi, “Yeerich deꞌa getonaa woyee ittoshich deꞌa getona? Yeeri aafooch aabine tato? Eke ittoshi nallibote.

Mishiraachechinaꞌo 4:29

Andoo Doonocho, boonoshi miichoon ciine; aafoon kuppheree ne qaaroon no gettemmoyich, ne guuno noon kupphiibe.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 9:27

Tunetaa Barnabaasi Sawulin daammiꞌi, mishiraachechinaꞌo waan shakkiihe. Aroochee Doono Yesuusin gommoochaa bi beegonaa Doono biich bi getonon, wotta Damaasiqi katemooch aafoon kuppheꞌi Yesuusichon bi getonoo gettiye.

Mishiraachechinaꞌo 9:28

Ebiyee gubb, Sawuli Doono Yesuusichi shigoona aafoon kuppheꞌi gettiibee, boonoshina tookkii Yerusaalem kechii giyiibee beehe.

1 Qorontoosi 1:27

Ebiyoommon shalligechinaꞌon yeelliyoyich, Yeeri hini alemeexi ashi gaboochaa tuusheenaꞌon kaacciye; giidechinaꞌon yeelliyoyich, hini alemeexi ashi gaboochaa giidaalleenaꞌon kaacciye.

1 Qorontoosi 14:25

Ebina bi mullooch aacheeti mooyo xalla bekkemmone; biyoo “Iberoon Yeeri ittoshi daggooch beetone” getibee yitiree Yeerich goyinnemmone.

2 Qorontoosi 3:12

Illa ebiyoommi gibeno nooch beetoyich, aafoon kuppheꞌi getoyich shataachone.