Mishiraachechinaꞌo 3:22 - Kafa Linguistics Project

²² Muusi no qaabbechinaꞌoyich ishichitone: ‘Doono Yeeri taan bi tiijjoommon, ittoshi maneenaꞌo daggoochee keemechon tiijjemmone; bi gettimmo bullin waayebote.

Mishiraachechinaꞌo 3:22 ပူးပေါင်းရင်းမြစ်များ

Maatiyoosi 21:11

Dofee asheenaꞌoo “Hini Galiilee showooch beeti Naazireeti katemoochee waati keemechi Yesuusine” iyeete.

Luqaasi 13:33

Tunebaani keemecho Yerusaalemaanalli maachaa qitaachemmone; ebich hanaachinaa yaachina, sharittoo ta gommon qaxiremmo taane.

Luqaasi 24:19

Yesuusiyoo “Arochi amoone?” iꞌi echehe. Boonoshiyoo wochiꞌi ishichiyeete: “Yeerinaa asho bullinochi aafooch qaaroonaa shuunoona giidechi keemechi Naazireetechi Yesuusichi mooyone.

Yowannisi 1:17

Yeerichi sheeroo Muus waanaa nooch ichehe; tunebaani wojjoonaa iberoona Yesuus Kiristoos waanaa nooch ichehe.

Yowannisi 12:46

Bi mulloon ta toommooch tooꞌiibeeto bulli, manderooch bi beetaachemmoyich, bekko tunaꞌa hini alemooch waato taane.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Mishiraachechinaꞌo 7:37

“Israꞌeeleenaꞌon ‘Yeeri, taanoommi keemechon ittoshi maneenaꞌochi daggoochee ittoshich kaaciree neechemmone’ iꞌi gettito hini are Muusine.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Hibireena'o 2:1

Ebich no waayeti mooyoochee muriciree no dihaachemmoyich, no waayeti mooyoyich beshoon no qelloon quyo nooch qaawiihe.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.