Mishiraachechinaꞌo 3:17 - Kafa Linguistics Project

¹⁷ “Andoo ta maneenaꞌote! Ebin ittoshi tuniito ittoshi ukkireenaꞌochoommon tuushoona bi tunoon ariibeeto taane.

Mishiraachechinaꞌo 3:17 ပူးပေါင်းရင်းမြစ်များ

Halloo 21:26

Abimeleeki wochiꞌi ishichiye: “Ebi mooyon koni tuniito gaata ta ariyaano taane. Newoo wotta taach getaano neene. Hanaachiyee besh, ebiyee aaf ebi mooyon waayeyaano taane” iye.

Halloo 39:8

Tunebaani aroo deꞌa getaanoone. Biyoo ureyich ishichiye: “Ta doono biich beeti mooyo bullin ta kishooch tuniitone. Ta beetoyich, bi kexooch beeti amee mooyoyichona aaxxiyaanoone.

Halloo 44:15

Yooseefiyoo “Ebi ittoshi tuniiti mooyo, amoone? Taanoommi ashich aacheeti mooyon bi ariibeeti bare ariyoo beeto tunoon ariyaachote?” iye.

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Haddoo 22:6

Ebi asheenaꞌo ta asheenaꞌoyee beshe giidechinaꞌo boonoshi tunetoyich, waaree taach ne uppemmoyich neen qollehoye. Diqqich boonoshin koyiree ta showoochee yoohon hakkemmo taane; ne diirito diireeto, ne uppetoo uppeto bi tunoon ariibeeto taane” iye.

Luqaasi 23:13

Arooba Phelaaxoosi qeeshee ukkireenaꞌon, bare nallechinaꞌonaa asheenaꞌonon ikkooch ceekkiiꞌi

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Yowannisi 15:21

Taan wochee deejjiton boonoshi ariyoo qajjitoyich, ebi bullin ta naboona ittoshi toommooch shuunemminaꞌone.

Yowannisi 16:3

Ebin ittoshi toommooch boonoshi tuniyemmo, Nihoo Yeerinoo taanoo boonoshi tuushitoyichiye.

Yowannisi 7:52

Boonoshiyoo wochiꞌi, “Newoo wotta Galiilecho neene? Keemecho Galiilee showoochee keyaachemmone. Yaafe Macaafoochee qaawiree beege” iyeete.

Mishiraachechinaꞌo 13:27

Tunetaa Yerusaalem beeti asheenaꞌonaa boonoshi ukkireenaꞌona shambeti shambetooba shemmeebeeti keemechinaꞌochi qaaro bi ceennemmoyich, bi toommooch nalliyeetalli, Yesuusi koni bi gaata ariyaaneenaꞌone.

Mishiraachechinaꞌo 22:5

Ebi iberoo tunoon qeeshee guudoonaa Ayihudee nallechinaꞌona ta miixeenaꞌone. Ebiyee boonoshi waanee Damaasiqa beeti Ayihudeenaꞌoyich koorichoon yechaꞌa, ‘Yerusaalemaa Ayihudee nallechinaꞌo xuꞌee nalloon kittinneenaꞌo toommooch nallibeete’ iyaꞌa, are Damaasiqi kittinneenaꞌon cuyiree, Yerusaalem deeba hammaa beeho” iye.

Mishiraachechinaꞌo 26:9

“Ta, ta qelloona ‘Asheenaꞌo Naazireetechi Yesuusichi shigoon boonoshi ceegaachemmoyich, taach bi hakkeemmi wottoon qiiccemmo taane’ iyaꞌa gabaa beehoye.

Mishiraachechinaꞌo 28:21

Boonoshiyoo “Yihudee showoochee ne naboyich kooreeti koorichoo nooch shagaanoone. Wotta hiniich waabeeti Ayihudeenaꞌo waanee ne gondoon boonoshi yibbaatetaa waayeyaano noone; gettitoo aalloone.

Mishiraachechinaꞌo 7:40

Wotta Haroonin ‘Hini Gibitsee noon kichiti Muusi amooch bi giyito gaata ariyaano noone; ebich no aafooch shiichemmi nuggisheenaꞌon nooch shuunebe’ iyeete.

Roomi 11:2

Yeeri shiichiꞌi bi kaacciti bi asheenaꞌon shixxii qayaanoone. Yaafe Macaafooch keemechi Eliyaasicho kooreeton ariyaachote? Yeer waan corootiibee ishichiꞌi Israꞌeeleenaꞌon taggetone:

1 Qorontoosi 2:8

Hini showee iraasheenaꞌo daggoochee ikkolla ebi shalligoon ariito aalloone; boonoshi ariito gaata, oogee yiiree Doono Yesuusin yoodaacheshinaꞌone.

2 Qorontoosi 3:14

Areenaꞌochi mullo muumetone; wonnee wogoon boonoshi shemmee beegaata, ebi are kaafo tiyaanoon hanaach beddaahaa boonoshi mulloon kaappitone; ebi are kaafoon wokkiibeeto Kiristoosi baachiye.

Efesooni 4:18

Boonoshi tuushoonaa mullee muumoonoochee tiyitona boonoshi mullo kaappehe; ebich boonoshiyoo Yeer waanee daneebeeti andire kashoochee wokkiyeete.

Filipphisiyoosi 1:22

Tunebaani meenona ta beegaata, aafechi shuunoon daakkiree shuunoon ta hakkemmoyichiye; tunetaa aabi gaaweto gaata taach bekkeyaanoone.

1 Ximootiyoosi 1:13

Ebiyee aaf, biin naaggeto, yookketonaa giishiitona ta tunetaanoona, ebin ta tuniito ariyaanoon, wotta bi toommooch mulloon tooꞌiyaanoon bi tunetoyich taan maariye.