Mishiraachechinaꞌo 3:14 - Kafa Linguistics Project

¹⁴ Tunetaa yaafoon, cadiqoonoo nookkeechii, ashoon wuxiton ‘Nooch biishe’ iꞌi Phelaaxoosin qollehote.

Mishiraachechinaꞌo 3:14 ပူးပေါင်းရင်းမြစ်များ

Shoddo 16:10

Taan maash qayaachemmo neene; gibeneeti ne guuno taan oppooch daachiyaachemmo neene.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 27:20

Tunebaani qeeshee ukkireenaꞌonaa showee geeneenaꞌona “Barbaani biichebe; Yesuusi qitibe” getiree boonoshi qollemmoyich dofee asheenaꞌon kocciyeete.

Maariqoosi 1:24

Biyoo “Naazireetechi Yesuuso, no mooyooch neen amo geddiye? Noon goochiiya waanne? Koni ne gaata ariibeeto taane; Yeerichi yaafoo neene” iꞌi cookiye.

Maariqoosi 15:11

Tunebaani qeeshee ukkireenaꞌo “ ‘Yesuusin toonoone; Barbaanin nooch biishe’ getiree qollebote” iꞌi asheenaꞌon kocciyeete.

Maariqoosi 15:7

Arooba showee toommooch gino tiijjii ashoon wuxiꞌi cucheti, hukkechinaꞌo daggoochee tuneti, Barbaani getteebeeti uro cuyee kexooch beetone.

Luqaasi 1:35

Wotta hini are maraakoo wochiꞌi ishichiye: “Yaafe Ayaano ne toommooch woyemmone; Beshoo Yeerichi giidoo ne toommooch yiiremmone; ebich wotta ne shiyemmi bushoo yaafoo getteyemmone; ‘Yeerichi Bushoo’ getteyemmone.

Luqaasi 23:25

Hukkee bi tiijjoonaa ashoon bi wuxoonoyich cucheti, are boonoshi echeti Barbaanin biichiihe; tunebaani Yesuusin boonoshi qaawitoommon beshiiꞌi immiye.

Yowannisi 16:10

Cadiqeechon, Nihoo Yeer waan ta hammaa beetoyich, ebiyee gubb, taan beegaachemmo ittoshi tunetoyichiye.

Yowannisi 18:40

Boonoshiyoo wochiꞌi, “Barbaani biicheballi, hini uro biichaaye” iibee cookeeheete; ebi Barbaani bokkoone.

Mishiraachechinaꞌo 13:28

Qitooch bechimmi naboon bi toommoochee boonoshi dano qajjitaanona, Phelaaxoosi biin bi wuxemmoyich qolleheete.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

Mishiraachechinaꞌo 5:28

“ ‘Hini ittoshi ceeggiibeeti shigoona asheenaꞌoyich dojjiyaahote’ iyaꞌa manjaayaa ittoshich getaano noone? Ebiyoche, Yerusaalem beetinaꞌo bullich bechitote. Are uroochi damee naboona no echeyemmoyich tuniiya qaawiibeeto ittoshine” iye.

Mishiraachechinaꞌo 7:52

Keemechinaꞌo daggoochee ittoshi qaabbechinaꞌo duꞌiyaano koniniye? ‘Cadiqo woyemmone’ iꞌi shiichii gettitinaꞌon wuxiyeete. Bi waatenoo, ittoshi and biin beshiiꞌi immiyote, wuxiihote.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Yaaqobi 5:6

Cadiqo tuneti ashi toommooch nalliꞌi biin wuxito ittoshine; biyoo cikkii qajjiye.

1 Pheexiroosi 3:18

Ebiyoommon Kiristoosi Yeer waan noon giddiyoyich, bi qelloona bi cadiqo tuneebee, hukkechinaꞌoyich ikke wottoon ashi axaaxee naboona xuuxoon beeggiꞌi qititone; meenona qitiye; tunebaani ayaanoona beeyechon tunehe.

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: