Mishiraachechinaꞌo 3:13 - Kafa Linguistics Project

¹³ Abrahami, Yisaaqinaa Yaaqobinochi Nuggishoo, biyoo no qaabbechinaꞌochi Nuggishoo, bi Bushoo Yesuusin oogiihe. Tunebaani ittoshi bi qitemmoyich beshiiꞌi immiyote. Phelaaxoosi biicha bi gabaa, bi aafoochaa nookkehote.

Mishiraachechinaꞌo 3:13 ပူးပေါင်းရင်းမြစ်များ

Keyo 3:13

Muusiyoo Yeerich “Israꞌeeleenaꞌo waan hamiree, ‘Ittoshi qaabbechi niheenaꞌo Nuggishoo ittoshi waan taan wochee deejjitone’ ta getaa, ‘Bi shigo konine?’ ii boonoshi echegaata, ama getireeshiye ta wochemmo?” iye.

Keyo 3:15

Wotta Yeeri Muusich “Israꞌeeleenaꞌoyich ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo tuneti Doono Yeeri ittoshi waan taan wochee deejjitone’ gete. Ta shigoo bulli yemeenoon ishine; gubbi shiijjeroo bulli taan shalligemmo, ebi shigoonane.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 20:19

Aagetee asheenaꞌoyichoo beshiiree immemminaꞌone; boonoshiyoo biin coonemminaꞌone; arengoonoo xoobbemminaꞌone; aroyee gubb yooddemminaꞌone. Tunetaa keejje qemooba qitoochee tiyemmone” iye.

Maatiyoosi 22:32

Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.

Maatiyoosi 27:2

Cuchiꞌi daammii iraashoo Phelaaxoosich beshiiꞌi immiyeete.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maariqoosi 15:11

Tunebaani qeeshee ukkireenaꞌo “ ‘Yesuusin toonoone; Barbaanin nooch biishe’ getiree qollebote” iꞌi asheenaꞌon kocciyeete.

Luqaasi 22:57

Tunebaani Pheexiroosi tiyiꞌi, “Hini ureene, biin ariyaano taane” iꞌi nookkehe.

Luqaasi 23:4

Phelaaxoosiyoo qeeshee ukkireenaꞌonaa dofee asheenaꞌonoyich “Hini uro toommoochee ikke gondoonona daneyaano taane” iye.

Luqaasi 6:37

“Ashi gondoon hadiyaahote; Yeeri ittoshi gondoon haddaachemmone. Ashi toommooch nalliyaahote; Yeeri ittoshi toommooch nallaachemmone. Ashi xuꞌoon maaribote; Yeeri ittoshi xuꞌoon maaremmone.

Yowannisi 12:16

Yesuusichi dabbeenaꞌo arooba ebin shalligaaneenaꞌone; tunebaani kooreeti bi mooyonaa biich boonoshi tuniitonon boonoshi shalligito Yesuusi oogoona shimaayooch bi kechitoyee gubbiye.

Yowannisi 18:40

Boonoshiyoo wochiꞌi, “Barbaani biicheballi, hini uro biichaaye” iibee cookeeheete; ebi Barbaani bokkoone.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Yowannisi 19:12

Arooba Phelaaxoosi Yesuusin biicha qaawiye; tunebaani Ayihudeenaꞌo “Hinin ne biishigaata, Qesaari xiboo toono neene; bi qelloon taatiibeeto bulli Qesaarin biiꞌeya itone” iꞌi cookeeheete.

Yowannisi 19:15

Tunetaa boonoshi “Wokkiibe! Wokkiibe! Yoode!” iibee cookeeheete. Phelaaxoosi “Ittoshi taatoon yoodote?” iye. Qeeshee ukkireenaꞌo “Qesaariyee damba bare taatoo nooch aalloone” iꞌi wochiyeete.

Yowannisi 7:39

Ishin bi gettito, boonoshi mulloon bi toommooch tooꞌiitinaꞌo boonoshi danemmi Yaafe Ayaaneechoniye; Yaafe Ayaano batt kindaan beetone; ebiyoo Yesuusi oogoyich batt shimaajj keyaan beeto bi tunetoyichiye.

Mishiraachechinaꞌo 22:14

“Biyoo ishichiye: ‘No qaabbechinaꞌochi Nuggishoo bi daaggoon ne ariyemmoyich, Cadiqoonoo beegiree are Cadiqoochi noonoochee kechiibeeti qaaroon ne waayemmoyich, shiichiꞌi neen kaaccitone.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 3:12

Pheexiroosiyoo ebin ciinniꞌi asheenaꞌoyich ishichiye: “Hini Israꞌeeleenaꞌote, amoyichiye ebi mooyona ittoshi worganeebeeto? Aakkiyane hini uroon woyee noon ooge mooyo tuniiꞌi ittoshi manjii ciinniibeeto? Hini uro no hajjee giidoona woyee no deꞌe shuunoona shaꞌeto ittoshich shaahii beete?

Mishiraachechinaꞌo 3:26

Yeeri bi Bushoon kaacciꞌi, ittoshi ikkikkoon gonde ittoshi shuunoochee bi wochoona bi diiremmoyich, shiichiꞌi ittoshich deejjitone” iye.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

Mishiraachechinaꞌo 4:30

Ashoon wodiyoyichoo ne kishoon yaggiree, yaafe ne Bushoo Yesuusichi shigoona worganikkiti malletoonaa gaakkechi shuunoonon shuunebe” iꞌi corootiyeete.

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,