Mishiraachechinaꞌo 28:8 - Kafa Linguistics Project

⁸ Arooba Foofiloosi nihoo achee gaamee biiyoonaa maacee yexi biiyoona biiyeꞌi qeenooch qeyii beehe. Phawuloosi bi waan giyiꞌi corootiye; bi kishoon uroochi toommooch kotiiꞌi wodiihe.

Mishiraachechinaꞌo 28:8 ပူးပေါင်းရင်းမြစ်များ

Maatiyoosi 10:1

Yesuusi aaraa gutte bi dabbeenaꞌon bi waan ceeggiꞌi, yinneenaꞌon asheenaꞌo toommoochee boonoshi yookkemmoyich, biiyetinaꞌo bullinoo boonoshi wodiyemmoyich ukkirittinoon boonoshich immiye.

Maatiyoosi 10:8

Biiyetinaꞌon wodiibote; qititinaꞌon tiijjibote; qeddee shaddee biiyechinaꞌon wodiibote; yinnoon asheenaꞌo toommoochee yoohote. Gatiyaalloon Yeer waanee deqqito ittoshine; ebich ittoshiyoo gatiyaalloon asheenaꞌoyich imbote.

Maatiyoosi 12:13

Ebiyee gubb, Yesuusi kishoo qometi uroon “Ne kishoon yaggibe” iye. Biyoo yaggiye; bekkech are qometi kishoo ohe kishoochoommon shaahiꞌi iiwoo tunehe.

Maatiyoosi 9:18

Yesuusi ishichiꞌi gettii bi beetaa, ikke ukkiroo waaꞌi, “Ta bushee and qititine; tunebaani waaree ne kishoon bi toommooch kotiibe; bi kashoo wottemmone” ii qolleꞌi goyinnehe.

Maariqoosi 16:18

dingereenaꞌon boonoshi yeshigaata woyee wuxiibeeti xuppattoon boonoshi uyigaata, boonoshin amolla hallaachemmone; biiyechinaꞌochi toommooch boonoshi kishoon boonoshi kotiimmona biiyechinaꞌo wodemminaꞌone” iye.

Maariqoosi 5:23

“Giishi ta busheechi kasho kech bedditone. Bi kasho wottetaa bi wodemmoyich waaree ne kishoon bi toommooch kotiibe” ii kupphiiꞌi qollehe.

Maariqoosi 6:5

Are xaaꞌooch giisheche biiyechinaꞌochi toommooch bi kishoon kotii wodiyoyee damba amee gaakkechi shuunoonolla tuniyoyich cir hakkaanoone.

Maariqoosi 7:32

Arooba asheenaꞌo bi waamo ullee bi heciyoo tippeti ikke uroon arooch Yesuus waan deebiꞌi, “Ne kishoon hini uroochi toommooch kotiibe” iꞌi qolleheete.

Luqaasi 13:13

Bi kishoonoo ure toommooch bi kotiitaa, kaamaꞌa neexahan; aroochee Yeerin galletahan.

Luqaasi 4:40

Womikka aabe giyemmona, asheenaꞌo baribare biiyoona biiyetinaꞌo bullin Yesuus waan deebiyeete. Biyoo boonoshi bullin bi kishoona yechiꞌi wodiihe.

Mishiraachechinaꞌo 28:7

Aree gaꞌooch are buure showee iraashoo Foofiloosi gettee beetochi showoo beehe. Aroo noon iibbiiꞌi emiroona keejj qeejjiye.

Mishiraachechinaꞌo 28:9

Aroochee are buure showooch beeti bare biiyechinaꞌo waaꞌi wodiyeete.

Mishiraachechinaꞌo 9:40

Aroochee Pheexiroosi bullin maach kichiichii, guteneꞌi corootiye. Bi corootitoyee gubb, dubeno waan wotteꞌi, “Xaabbite, tibe” iye. Bekkech bi aafoon gaxxiyan; Pheexiroosin ciinnaꞌa tiyaa kotahan.

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

1 Qorontoosi 12:9

Ebiyoommon wotta are Yaafe Ayaano gibenoon baroyich immiye; wotta are Yaafe Ayaano biiyeton wodiyee hakkoon baroyich immiye;