Mishiraachechinaꞌo 28:30 - Kafa Linguistics Project

³⁰ Phawuloosi bi kiraayiti kexooch gutte naton kotehe; bi waan waa beetinaꞌo bullin iibbii beehe.

Mishiraachechinaꞌo 28:30 ပူးပေါင်းရင်းမြစ်များ

Erimiyaasi 37:21

Ebich taatoo Sedeqiyaasi getoon immiye; boonoshiyoo Erimiyaasin kellechinaꞌochi addibaabooch kotiiheete; katemoochee kosho bulli ciiremmi wottoon koshon kachii beetinaꞌo waanee qemi qemonaa ikkikke kosho biich ichee beehe; ebina Erimiyaasi kellechinaꞌochi addibaabooch kotehe.

Erimiyaasi 38:13

Erimiyaasinoo woderoona geechiyeete; oppoocheenoo kichiyeete; Erimiyaasiyoo kellechinaꞌochi addibaabooch kotee beehe.

Yowannisi 1:39

Yesuusi boonoshin “Waaree beegote” iye. Boonoshiyoo hammiꞌi bi beeti xaaꞌoon beeggiyeete. Arooba boonoshi hammito aashire saati bedoochiye. Bi waanoo xumeheete.

Mishiraachechinaꞌo 19:21

Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 28:16

Room no giyetoyee gubb, Roomi ukkireenaꞌo Phawuloosi bi shunniti kexooch biin quyeebeeti ginee naayona tookki bi qell bi beeyemmoyich daaggiyeete.

Mishiraachechinaꞌo 28:29

[Phawuloosi bi ishichimmona Ayihudeenaꞌo boonoshinaa boonoshina hayeebee kechii hammiyeete.]

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Roomi 15:32

Aroochee Yeerichi daaggoo bi tunegaata, emiroona waaree ittoshi waan kashemmo taane.

2 Qorontoosi 11:23

Kiristoosichi maddechinaꞌone? Geyechi ashoochoommon gettoye: Ta boonoshiyee besh taane; boonoshichoyee beshoon aajjeto taane; boonoshichoyee beshoon wodde wottoon cucheto taane; boonoshichoyee beshoon oogeton yexxeto taane; wodde wottoon qitoyich beddaahaa beddeto taane.

2 Qorontoosi 6:5

Yexxeto noone; cucheto noone; dofee asheenaꞌo no toommooch caagee boonoshi tiyaa iriteeto noone; shuunoona maraateto noone; tokketoon mucceto noone; shaaceto noone.

Filipphisiyoosi 1:13

Ebich cuyee kexooch ta cucheyoo Kiristoosichi naboyich bi tunoon taatoochi kellee quyechinaꞌo bullinaa bare asheenaꞌo bullina arii beetinaꞌone.

2 Ximootiyoosi 1:17

Room bi waahooba, bulli xaaꞌoon guuddiibee taan qaawii danetone.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.