Mishiraachechinaꞌo 28:23 - Kafa Linguistics Project

²³ Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 28:23 ပူးပေါင်းရင်းမြစ်များ

Maariqoosi 4:34

Ikke mooyonona shaahiyaalloon getaanoone. Biinnaa bi dabbeenaꞌona ikkeeto tunehooba, shaahiyeenaꞌo bullin boonoshich biichiꞌi gettii beehe.

Luqaasi 16:28

uuche ta maneenaꞌo beetinaꞌone. Boonoshi wotta hini xuuxee xaaꞌooch boonoshi waataachemmoyich, Alazaari hamiree boonoshich gete’ iye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Mishiraachechinaꞌo 1:3

Yesuusi wodde xuuxoona bi qititoyee gubb, mishiraachechinaꞌoyich xalla bekkeebee kashecho bi tunoon wodde gommona manjiihe. Aabbe qemon bekkeꞌi, Yeerichi taatittineechon boonoshich dojjii beehe.

Mishiraachechinaꞌo 18:28

Boonoshin bi gaacheto, Yesuusi aroo Kiristoosi bi tunoon Yaafe Macaafoochee manjiibee, asheenaꞌo aafooch Ayihudeenaꞌon xoobiyoonane.

Mishiraachechinaꞌo 18:4

Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.

Mishiraachechinaꞌo 19:8

Ebiyee gubb, Phawuloosi Ayihudeenaꞌo kiceebeeti kexooch giyiꞌi, aafoon kupphee gajjiteebee, keejje agen bedoon Yeerichi taatittineechon gettiye.

Mishiraachechinaꞌo 23:11

Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 26:6

Andoo Yeeri no qaabbechinaꞌoyich bi gibenikkiti hini gibenoona nalleyoyich neexeto taane.

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Mishiraachechinaꞌo 8:35

Filipphoosiyoo wochiꞌi are bi shemmeti macaafee kuxoochee tiijjiꞌi, Yesuusichon gettiibeeti mishiraachee qaaroon biich gettiye.

Filimooni 1:2

ne kexooch kiceebeeti kittinnee guuphoyich, no manee Afibiyich, noonna tookkii Kiristoosichi shuunoona ginee naayoommo tuneti Arikiphaasich:

Filimooni 1:22

Ebichi toommooch ta daakkemmo wotta ta kashemmi kexonoo taach qanniibe; Yeeri ittoshi qolleti qolloon waayeree ittoshi waan taan wochi daachiyemmo bi tunoon gibenaabeeto taane.