Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mishiraachechinaꞌo 27:1 - Kafa Linguistics Project

1 Xaaliyaanee showooch markaboona no hammemmoyich bi maaccetoyee gubb, Phawuloosinaa bare qoppeenaꞌonon Roomi taatoochi ginee naayinaꞌo daggooch beeti, Yuuliyoosi getteebeeti balle ginee iraashoo kishooch guudiiheete.

အခန်းကိုကြည့်ပါ။ ကော်ပီ




Mishiraachechinaꞌo 27:1
29 ပူးပေါင်းရင်းမြစ်များ  

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.


Doono Yeerichi yamo bulli yemeenooch manjemmone; bi mullee gaboo shiijjeroochee shiijjerooch beddaahaane.


Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.


Ashi mullooch beeto meeti gaboone; tunebaani ceennemmo Doono Yeeri gettitone.


Busheebee iritee waanjoon shaago ashich gaawetone.


Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.


Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.


Areegaata balle ginee iraashoo ebi tuneti mooyon beeggiꞌi, “Hini uro iberoon cadiqoone” iꞌi Yeerin oogiihe.


Aroochoo ikke Roomechi balle ginee iraashoo beehe; bi shunniibeeti bi aafee bushoo biiyeꞌi qitooch beddiye.


Arooba Qesaariyi katemooch Qorineloosi getteebeeti ikke uro beehe. Biyoo Xaaliyaanee ginee naayinaꞌochi guuphi daggooch balle ginee iraashoone.


Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.


Phawuloosi hini yaaꞌoon bi beeggitoyee gubb, boonoshich mishiraachee qaaroon no gettemmoyich Yeeri nooch bekkiito bi shaahitoyich, bekkech Makidoonee showooch hamma tiyehon.


Aroochaa Faantoosee showooch shiijjeti Aqili getteebeeti ikke Ayhudoona danehe. Aroo, Qelawudoosi “Ayihudeenaꞌo bulli Roomee keyeete” bi itoyich, giisheche aaboyee aaf bi mechee Phirisqilina tookkii Xaaliyaanee showoochee waahe. Phawuloosi are asheenaꞌo waan hammiye.


Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.


Biyoo bekkech ginee naayinaꞌo bullin ginee iraasheenaꞌona tookkii yechiꞌi are asheenaꞌo waan wocciye. Asheenaꞌoo hume ginee iraashoonaa ginee naayinaꞌonon beeggiꞌi, Phawuloosin yexon qajjiyeete.


Balle ginee iraashoo ishin waayeꞌi, hume ginee iraashoo waan hammiꞌi, “Amoon halliyane ne ii beeto? Hini uro Roomi showee ashoone” iye.


Bi decharoobee xum Doono Yesuusi Phawuloosi gaꞌooch neexeꞌi, “Yerusaalem ta miixoo ne tunetoommon, ebiyoommon Roomaa wotta taach ne miixemmoyich qaawiihe; ebich kupphebe” iye.


Phawuloosiyoo balle ginee iraasheenaꞌo daggoochee ikkoon ceeggiꞌi, “Hini bushoo hume ginee iraashoyich bi gettemmi mooyo beetone; daamiree biinna daniibe” iꞌi gettiye.


Ebiyee gubb, Filikisi balle ginee iraashoon “Phawuloosin quyebee ciinoon bi toommooch meechiyaahine. Bi xibeenaꞌo waanee waammi asho koniyoona shohoon bi giijjemmoyich daaggiballi, bajjaahine” iꞌi gettiye.


Arooba Fisxoosi bi mikkirechinaꞌona tookkii echeeꞌi tiyii, “ ‘Qesaari aafooch ta mooyo giddebe’ ne itoyich, illa Qesaar waan hammemmo neene” iye.


Tunetaa qitooch biin bechemmi xuꞌoon bi toommoochee amoonolla daneyaano taane. Biyoo ‘Roomi taatoo aafooch ta mooyo giddebe’ bi itoyich, arooch daachiiya kuxxoye.


Tunebaani balle ginee iraashoo Phawuloosichi yibbaatoyee, markaboon gashee beetonaa markabee doononochi yibbaatoon gibenehe.


Tunetaa balle ginee iraashoo Phawuloosin wodiiya bi qaawitoyich, boonoshi echeyoon gaakkiꞌi, “Waakkoon arii beetinaꞌote, shiichi baharooch capphi giyiree showoo beetooch keyote.


Balle ginee iraashoo aroochee Xaaliyaanee showooch hammiibeeti, Iskindiriyee markaboon daneꞌi, arooch no giyemmoyich tuniihe.


Showooch diggoona no shaggetoyee gubb no shaggeti buure showee shigo Maaliti bi getteyoon ariihon.


Room no giyetoyee gubb, Roomi ukkireenaꞌo Phawuloosi bi shunniti kexooch biin quyeebeeti ginee naayona tookki bi qell bi beeyemmoyich daaggiyeete.


Ittoshin yaabii qeejjii beetinaꞌo bullinaa yaafeenaꞌo bullinoyich ta diggiyoon getote. Xaaliyaanee kittinneenaꞌo ittoshin diggiitinaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ