Mishiraachechinaꞌo 26:7 - Kafa Linguistics Project

⁷ Aaraa gutte no yoodeenaꞌo xumoonaa areddoonon kuppheꞌi, Yeerich maddiibee hini gibeno ceennemmoyich quyee beetinaꞌone. Taatoo Agrippho, Ayihudeenaꞌo taan taggeebeeto, hini are gibenoyichiye.

Mishiraachechinaꞌo 26:7 ပူးပေါင်းရင်းမြစ်များ

Iziri 6:17

Ebi Yeerichi kechi diiree baarooba, balle wuron, gutte balle ogooge bagee baaddoonaa awudde balle gishiishi bagee baaddoonon giddiiheete; wotta Israꞌeelee yoodee haddoommon, axaaxee deejjoyich aaraa gutte emmishee baaddoon giddiiheete.

Iziri 8:35

Arooba kecoochee wottetinaꞌo, Israꞌeelee Nuggishoyich micciibeeti deejjoyich Israꞌeeleenaꞌo bullichi qoodooch aaraa gutte wuron, yixenaa shiritte ogooge bagee baaddoon, shabaa shabaatte gishiishi bagee baaddoon, wotta axaaxee deejjoyich aaraa gutte emmishee baaddoon giddiiheete; ebi bulli Doono Yeerich micciibeeti deejjoone.

Shoddo 135:2

Doono Yeerichi yaafee kechi daggooch, no Nuggishoochi yaafee kechi addibaabooch, neexee beetinaꞌote, galletebote.

Maatiyoosi 19:28

Yesuusiyoo boonoshich wochiꞌi ishichiye: “Iberoon ittoshich gettoye: Bulli mooyo andiremmi yemeenooba Ashi Bushoo oogee yiiree taatee qeenooch bi kotehooba, taan dabbiibeeti ittoshi wotta aaraa gutte taatee qeenooch koteree aaraa gutte Israꞌeelee yoodeenaꞌo toommooch nallemmo ittoshine.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Mishiraachechinaꞌo 20:31

Ebich kasheyaanoon keejje naton xumoonaa areddoonon eeppaabee, ittoshin ta ciicon shalligibee, ittoshi qelloon quyebote.

Mishiraachechinaꞌo 24:15

Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane.

Mishiraachechinaꞌo 26:2

“Taatoo Agrippho, Ayihudeenaꞌochi doyoonaa gajjiteyoo bullinon manjiiꞌa ariibeeto neene; ebich Ayihudeenaꞌo ta toommooch yaaqqiti taggoo bullich hanaach ne aafooch neexaꞌa wochoon ta hakkitoyich, ta qelloon diireeto tuniiꞌa haddiyoye. And ta yibbaatoon gaꞌoona elle ne waayemmoyich, neen qollaabeeto taane.

Mishiraachechinaꞌo 28:20

And ittoshin ta ceekkiito, ittoshin beegonaa ebin getonoyichiye; hini sansalatoona ta cucheto, Yeeri Israꞌeeleenaꞌoyich bi gibenikkiti gibenee naboonane” iye.

1 Ximootiyoosi 5:5

Degaalli xuumee tunaꞌa bi ikkeeti beeti maachechi gibeno Yeeri baachiye; ebich xumoonaa areddoonon Yeerin qolloonaa corootoona kupphaa beetine.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.